Póllinn - maí 2023, Blaðsíða 7

Þú vaknar á eldhúsgólfinu með dúndrandi hausverk og ákveður að þú ætlir aldrei að drekka aftur. Þú ætlar héðan í
frá að vera góð manneskja sem að klárar hlutina! Þess vegna verðurðu að klára þessa sítrónutertu því að annars mun
fjölskylda þín horfa niður á þig og þú færð aldrei góða vinnu í framtíðinni. Ef þú klárar ekki að baka sítrónutertuna
verður ekkert úr þér! Þú ert augljóslega ekki að tala um sítrónutertuna og þarft virkilega á sálfræðiaðstoð að halda …
en ekki núna. Núna er ekkert mikilvægara en að klára þessa sítrónutertu, ekki BA-ritgerðin, ekki kynningin hjá
Baldri, heldur bara þetta!
Byrjaðu á því að þeyta rjóma frábærlega í skál því þú ert best/ur!
Í annarri skál þeytirðu saman eggjunum og sykrinum mjög vel. Hversu vel? Bara eins vel og þú getur! Eins lengi og
þú ert að reyna þá er það alveg nóg!
Næst bætirðu við fínt rifna sítrónu berkinum og safanum úr 2 og hálfri sítrónu í skálina og leyfir þeim að kynnast
soldið. Svo næst blandarðu saman rjómanum og eggjablöndunni varlega saman með skeið. Næst stillirðu ofnin á
180°C og blástur til að hita hann aðeins upp fyrir frábæru tertuna þína!
Nú kemur mjög mikilvægt skref sem að má alls ekki sleppa. Þetta skref er svona eins og að rifja upp námsefni fyrir
próf, þ.e.a.s. ekki svo erfitt og árangurinn verður ekki eins góður ef þú sleppir þessu. Það er að taka út úr ísskápnum
botninn og stinga hann með gaffli vítt og dreift. Að því loknu bakarðu botninn í tíu mínútur til undirbúa hann fyrir
lokasprettinn!
Taktu botninn úr ofninum og helltu sítrónufyllingunni í botninn. Að því loknu stillirðu ofninn á 150°C og lætur
sítrónutertuna þína inn. Láttu bakast í 50 mínútur. Þann tíma gætirðu nýtt í til dæmis að gera kynninguna fyrir
tímann hjá Baldri eða eitthvað annað uppbyggilegt. Þú ákveður samt að núna er mikilvægara að horfa á nýjasta
þáttinn af Last of us þannig þú getir verið með í umræðunni á göngunum í skólanum á morgun……
Þátturinn er að sjálfsögðu átakanlegur að vana og þú þarft að taka smá tíma til að jafna þig. Tertan er tilbúin, tími til
að taka hana úr ofninum.
Til hamingju þú hefur tekið eitt skref í átt að því að verða betri manneskja sem klárar hluti, næsta skref er að klára
kynninguna fyrir tímann hjá Baldri á morgun sem að þú veist þú munt negla eins og þú gerðir þessa sítrónutertu.
Takk fyrir að lesa mitt take á ávarp forseta og verði ykkur að góðu!
Elias Snær Önnuson Torfason
Forseti Politica
P.S.
Ekki gleyma að þrífa eldhúsið ;)
Stjórn Politica 2022-23
Efri röð frá vinstri: Alda Marín, Elías Snær, Gunnar Bjarki og Rúnar
Neðri röð frá vinstri: Embla Rún, Bjartey Unnur, Arna Dís, Hekla Sól og Þórhildur
5