Póllinn - maí 2023, Blaðsíða 45

Skál í botn
kannski finn ég mig
í botninum á glasinu
eins og við fundum
aldurinn okkar á botninum
á plastglösunum
í mötuneytinu
ég var alltaf yngri en ég hélt
fannst ég stærri en talan
sem ég sá
á botninum í glasinu
stundum var engin tala
og það var lang best
kannski finn ég mig
á botninum á þessu glasi
áratugi eftir mötuneytið
og ef ekki þessu
þá bara næsta
eða næsta
á eftir því
þar til ég hef hvolft
úr höfðinu
og það verður að tómu
glasi
- Birta B. Kjerúlf
Fellur ryk á gamla skugga

Fellur ryk á gamla skugga?
Ef þeir eru ekki hreyfðir.

Eins og myndin af afa á arninum.
Sem er þrifin af mömmu á jólunum.

Dáldið litaður upp útaf sólinni og Ajax
og það sést ekki neitt inní augunum lengur.

„Þú líkist honum stundum, drengur,
báðir tveir svo askoti heiðnir.“

Sérhvert ár þessi setning,
svo kallaður drengur,
Ég er ekki 10 ára lengur.

En ég hlusta svo hún geti dustað af afa
Og ryk falli ekki á hans skugga.

Ég veit hins vegar ekkert um ömmu.
Nema að við þykjum lík kringum augun.
Sem að glittir í þrátt fyrir rykið.

Kjartan -
43