Gátt - 2010, Blaðsíða 21
21
Þ á T T T A K A Í F R Æ Ð S L U o g N á M I
g á T T – á R S R I T – 2 0 1 0
Knud Illeris (2006) bendir einmitt á að fólk sé yfirleitt með-
vitað um þörf fyrir aukna menntun, t.d. að bæta tölvu- og
tungumálakunnáttu sína sem og að bæta lestrar- og stærð-
fræðihæfni sína. Hins vegar er til dæmis skortur á sjálfstrausti
og óþægindin við að fara aftur í nám afl sem hamlar fólki oft
að taka þátt. Þess vegna er mikilvægt að tengja hvatningu
til þátttöku við þá þörf á fræðslu sem fólk upplifir að sé fyrir
hendi og draga þannig úr þeim hindrunum sem gefið er í
skyn að séu til staðar.
Á sama tíma er nauðsynlegt að skapa aðstæður sem eru
ekki niðurlægjandi, barnalegar eða á annan hátt óviðeigandi
því fyrir suma geta slíkar aðstæður og framkoma af hendi
fræðsluaðila verið kærkomin afsökun fyrir að hætta eða
sleppa því að taka þátt. Viðfangsefnið er fullorðinsfræðsla og
fullorðið fólk vill að borin sé virðing fyrir því og þeirri ábyrgð
sem það axlar á eigin lífi (Illeris, 2006).
Þegar fólk snýr aftur í nám eftir lengra hlé er það að stíga
inn í heim sem það þekkir oft ekki, stíga út fyrir þægindaram-
mann og takast á við áskorun sem því óraði ef til vill ekki fyrir
eða takast á við verkefni sem það hefur beðið lengi eftir að fá
tækifæri til að glíma við.
S T A R F I Ð á S Í M E N N T U N A R M I Ð -
S T Ö Ð V U N U M
Á símenntunarmiðstöðvum á Íslandi starfar fólk sem er fullt
af eldmóði og hefur brennandi áhuga á starfi sínu. Það vinnur
hörðum höndum að því að hvetja og efla fullorðið fólk og fá
það til að taka þátt í fræðslu sem lið í að auka tækifæri og
hæfni þess á vinnumarkaði sem og til að efla persónulega
hæfni. Mikil breyting hefur orðið á starfi símenntunarmið-
stöðvanna undanfarin ár og tilkoma Fræðslumiðstöðvar
atvinnulífsins hefur þar haft mikið að segja:
… við erum náttúrulega með þessar námskrár í samstarfi
við Fræðslumiðstöð atvinnulífsins sem hefur gjörbreytt
landslaginu að mínu mati, það kom líka aukið fjármagn
inn í þennan geira með þessum námsleiðum þannig að
það gerir okkur líka auðveldara fyrir að bjóða upp á
þetta og markaðurinn svaraði þessu framboði strax …
yfir heildina hefur aðsóknin verið mjög góð og þátttakan
hefur bara margfaldast milli ára.
Markhópur miðstöðvanna er að einhverju leyti mismunandi
eftir svæðum þó þær eigi það allar sameiginlegt að leggja
áherslu á að sinna þeim hópi sem hefur stutta formlega
skólagöngu að baki. Jafnframt hefur sums staðar orðið vart
við breytingar á þeim hópi sem sækir fræðslu hjá símennt-
unarmiðstöðvunum, „… áður var fólkið sem kom til okkar
fólkið sem hafði sjálfstraustið og … var búið að læra eitt-
hvað og vildi efla sig og halda sér við og það voru sterku ein-
staklingarnir.“ Með tilkomu námskrárbundnu námsleiðanna
er í auknum mæli að koma inn fólk sem hefur áhuga en er
ekki öruggt um að það geti þetta. Þessi hópur þarf stuðning
og mikla hvatningu, „það er mjög mikilvægt fyrir okkur að
geta mætt þessu fólki þar sem það er og sýnt þeim fram á að
það geti lært …“
„ … V I Ð Þ U R F U M b A R A S T A N S -
L A U S T A Ð V E R A ú T I á A K R I N U M ,
ú T I Í F Y R I R T Æ K j U M , ú T I Í S T o F N -
U N U M o g … ú T I U M A L L T . “
Í markhópi símenntunarmiðstöðvanna eru einstaklingar sem
hafa þá trú að þeir geti ekki lært og hafa jafnvel fengið skila-
boð um það frá skólakerfinu sem hafa svo fylgt þeim allar
götur síðan. Það fer mikil vinna í að ná í þennan hóp og telja
einstaklinga, sem tilheyra honum, á að taka þátt.
En sko, ég vil taka það sérstaklega fram eins og með
markhópinn okkar, við þurfum miklu, miklu meira að
hafa fyrir því að ná til þeirra og sannfæra heldur en,
t.d. háskólarnir auglýsa sitt námsframboð, skilurðu, á
vefnum og hérna í blöðum. Það er ekkert nóg fyrir okkur
… við þurfum bara stanslaust að vera úti á akrinum, úti í
fyrirtækjum, úti í stofnunum og … úti um allt.
Til að ná í þennan hóp eru farnar ýmsar leiðir og eins og fram
kom í viðtölunum þá er þetta ferli sem tekur oft langan tíma.
Við tókum fullt af viðtölum í vor, fórum inn á vinnustaði
og þá er kannski ekki allt að fara af stað og síðan núna
bara í haust, við skráum niður allt í þessum viðtölum
og bókum niður hvað viðkomandi er að hugsa og það