Gátt - 2010, Blaðsíða 72

72
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
Leiðbeinendurnir líta frekar á okkur sem jafningja. Þeir gera
kröfur um að við séum skapandi og þorum að taka frum-
kvæði, segir Sverrir. Hann segir að það sé mikilvægt fyrir sig
að kennslan sé einstaklingsmiðuð. – Við höfum öll ólíkan
bakgrunn og þess vegna þurfum við að beita mismunandi
aðferðum til þess að tileinka okkur námsefnið. En samt er
kennslan á faglega háu plani. Það var til dæmis þjónn sem
kenndi okkur að leggja á borð og hótelstjóri sem hélt fyrir
okkur erindi um rekstur hótels.
V I Ð U R Ð U M S j á L F A Ð S E T j A á
L A g g I R N A R E I g I Ð F Y R I R T Æ K I á
N á M S K E I Ð I N U
Þau færast öll í aukana þegar talið berst að eigin fyrirtæki.
Þau áttu að leggja fram allt efni til grundvallar viðskiptahug-
myndinni, lýsa vinnuferlum og skipta ábyrgð. Þá voru þau
send út af örkinni til þess að heimsækja ólík fyrirtæki sem
þjónusta ferðamenn. Sundhallir, bensínstöðvar og bakarí
eru ekki meðal þeirra fyrirtækja sem fyrst koma upp í hug-
ann þegar maður er að velta ferðaþjónustu fyrir sér, samt
eru þessi fyrirtæki nauðsynlegir hlekkir þjónustunnar fyrir
erlenda ferðamenn sem heimsækja Reykjavík.
– Við áttum að upplifa þjónustuna. Það var áhugavert að
koma aftur til baka og velta báðum hliðum fyrir sér. Annars
vegar út frá sjónarhorni neytandans og hins vegar þess sem
veitir þjónustuna, segir Sverrir.
– Að veita þjónustu felur í sér samskipti. Hversu leikinn
maður er að taka þátt í leiknum hefur áhrif á það hvernig
maður upplifir þjónustuna, hvort hún er góð eða slæm, segir
Helene.
Báðum þótti mikið til þess koma að Erna Hauksdóttir,
framkvæmdastjóri Samtaka ferðaþjónustunnar, (SAF) skyldi
heimsækja námskeiðið til þess að segja frá ferðaþjónustu
sem atvinnugrein á Íslandi og að hún segði þeim að þar væri
þörf fyrir þeirra vinnuframlag. Ef greininni ætti að vaxa fiskur
um hrygg væri þörf á þekkingu og færni í ferðaþjónustu. SAF
vinnur að því að efla færni innan ferðaþjónustunnar, sér í
lagi í gistihúsum, framreiðslu og afþreyingargeiranum. Unga
fólkið hefur trú á að það fái vinnu að loknu námskeiðinu.
– Við sjáum ljósið í myrkrinu, segir Helene.
Ekki skyldi gera lítið úr þeim vandamálum sem blasa við
ungum atvinnuleitendum í dag, en þess verður þó að gæta
að greina má ljós í myrkrinu. Niðurstöður nýlegrar könnunar
sýna að börn og unglingar á Íslandi búa ekki við síðri kjör en
áður en kreppan skall á. Þrátt fyrir að áhrif hennar hafi verið
víðtæk, eru aðrir þættir sem vega upp á móti þeim. Meðal
þess sem fram kemur í niðurstöðum könnunarinnar er að
margir hafa meiri tíma til þess að sinna fjölskyldunni. Sam-
heldnin vex, fólk tekur höndum saman þegar vandamálin
steðja að. Hins vegar hefur fólk áhyggjur af því að ástandið
verði viðvarandi. Þá getur vonleysið sem oft er fylgisveinn
atvinnuleysisins, gripið um sig hjá þeim sem búa við bág
kjör. Það er eins og áður hefur komið fram, og staðfest hefur
verið með rannsóknum, að áhrifa þess að verða atvinnulaus
á unga aldri gætir fram á fullorðinsár.
– Það er ótrúlega mikilvægt að halda rútínunni, koma
sér í form og gera áform um framtíðina, og mér finnst þetta
tilboð gagnast okkur vel til þess, segir Sverrir Örn Einars-
son. Íslendingar eru þekktir fyrir að vera þrautseigir. Þrátt
fyrir langtíma harðindi höfum við þraukað. Rétt eftir að ég
missti vinnuna voru færri tilboð. En mér finnst eins og það sé
hlustað á okkur. Opinberir aðilar hafa brugðist við með lang-
tíma sjónarmið að leiðarljósi og það verður þörf fyrir krafta
okkar í framtíðinni.
– Að vera virkur og taka þátt í námskeiðinu veitir manni
nýja sýn á lífið og gerir mann hæfilega bjartsýnan. Við komum
auga á ný tækifæri, erum hvött til þess að grípa þau og halda
áfram í lífinu, segir Helene Van Doom að lokum.