Gátt - 2010, Blaðsíða 75

75
F U L L o R Ð I N S F R Æ Ð S L A o g S T A R F S M E N N T U N
g á T T – á R S R I T – 2 0 1 0
námsleiðir sem síðar hafa myndað uppistöðuna í fræðslustarfi
stofnana, hæfnislýsingar starfa eða úttektir og skýrslur sem
hafa myndað grunn að frekara þróunarstarfi innan stofnana.
Lögð hefur verið áhersla á að afurðir Ráðgjafa að láni séu
skýrt fram settar og hagnýtar. Til að tryggja það vinnulag
hefur ráðgjafinn unnið í anda verklagsreglna Starfsmenntar
þar sem lögð er áhersla á víðtækt samstarf, sérsniðna nálgun,
sveigjanleika við úrlausn mála, gæði og endurmat.
Ávinningur ráðgjafarinnar hefur verið ótvíræður en þó
hafa komið í ljós vankantar sem þarf að sníða af. Í fyrsta lagi
þá hefur Starfsmennt ekki náð eyrum stórs hluta stjórnenda
en margir þeirra þekkja ekki þjónustuna eða álíta að hún
henti þeim ekki. Leita þarf leiða til að nálgast stjórnendur
á annan hátt en með útgáfum og rafrænum kynningum.
Það á einnig við um kynningar til stofnana um möguleika
þeirra til að sækja um styrki í mannauðs- og fræðslusjóði
stéttarfélaga til að efla fræðslustarf og stofnananám. Stjór-
nendum til varnar þá er framboð styrkja afar fjölbreytt og
jafnvel flókið og erfitt fyrir væntanlega notendur að rata
rétta leið. Tímaskortur hefur einnig háð Ráðgjafa að láni og
þá bæði tímahrak innan stofnana og einnig hjá ráðgjöfunum
sjálfum. Einstaka ráðgjafar hafa stundum haft of mörg járn í
eldinum og því átt erfitt með að einbeita sér að einni stofnun
og vinnan þar með orðið of brotakennd. Gæðum og eftir-
fylgni getur einnig verið ábótavant og afurð ráðgjafarinnar
rýrari en búist var við eða of mikil skriffinnska tekið völdin á
kostnað samskipta og samráðs. Skipulagi á vinnustað getur
einnig verið ábótavant sem veldur því að ráðgjafinn fær
ekki greiðan aðgang að starfsfólki eða gögnum. Þá eru líka
dæmi þess að stjórnendur eru ekki vissir um hlutverk sitt í
verkefninu.
F R A M T Í Ð A R S ý N
Kostir ráðgjafarinnar hafa þó vegið mun þyngra en gallarnir
eins og til dæmis greiður aðgangur að sérfræðiþekkingu
og ráðgjöf án mikils kostnaðar fyrir stofnanir. Ráðgjafarnir
hafa ýtt við starfsfólki stofnananna og hvatt það til dáða og
flestir þátttakendur hafa haldið vinnunni áfram eftir að ráð-
gjöfinni lauk. Margfeldisáhrifin eru því til staðar og innbyggð
í verkefnið þar sem ætlast er til að fyrirmyndarverkefni lifi
áfram. Þá hefur verið talið gott að fá utanaðkomandi ráð-
gjafa til að horfa hlutlaust á mannauðsmál stofnunar með
„glöggu gests auga“. Þess konar úttekt hefur gefið óvænta
sýn og skapað nýja þekkingu innan stofnana eða styrkt það
sem fyrir er. Þá hefur það verið talið ráðgjafanum til tekna
að hann tekur beinan þátt í að búa til afurð verkefnis og
vinnur með starfsfólki á vettvangi. Það að allir smíði tæki
og tól mannauðsstjórnunar eins og sameiginlegt nám eða
margskonar gátlista byggir bæði upp væntingar og forvitni á
niðurstöðunum og eykur líkur á góðri framkvæmd.
Hjá Starfsmennt er um þessar mundir verið að víkka
þjónustu Ráðgjafa að láni út, meðal annars vegna breyttra
Leiðbeint á vinnustað.