Gátt - 2010, Blaðsíða 74

74
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
S é R S N I Ð I N R á Ð g j Ö F T I L A Ð
M Æ T A F j Ö L b R E Y T I L E I K A
Starfmennt lánar ráðgjafa til stofnana í tímabundin og skýrt
afmörkuð verkefni og þá ýmist með þeim hætti að semja við
sjálfstætt starfandi sérfræðinga eða nýta eigin mannskap til
vinnunnar. Fjölbreytileiki verkefna er mikill þar sem staða
mannauðsmála er ólík frá einni stofnun til annarrar milli
stofnana og því þurfa ráðgjafar að hafa tilhlýðilegan bak-
grunn og sérsníða nálgun sína. Starfsmennt hefur greiðan
aðgang að neti sérfræðinga um allt land sem geta tekið að
sér ráðgjöf eða kennslu ýmist á vinnustað eða í samstarfi
við skóla og fræðsluaðila. Þetta faglega samstarfsnet tryggir
bæði snerpu og sveigjanleika í þjónustunni en kallar um leið
á nauðsynlega eftirfylgni þar sem gengið er úr skugga um að
vinnan sem innt er af hendi sé sú sem um var samið.
Starfsmennt leitar því alltaf að heppilegasta ráðgjafanum
í hvert verkefni og getur þá verið um að ræða mannauðsráð-
gjafa, vinnusálfræðing, náms- og starfsráðgjafa, félagsráð-
gjafa eða aðra sérfræðinga. Leitin að besta ráðgjafanum fer
vitaskuld alltaf fram í samstarfi við verkbeiðanda. Í þeirri vinnu
er lögð áhersla á að ráðgjafinn hafi þekkingu og reynslu af
störfum og vinnumarkaði ásamt innsýn í sérstöðu starfsum-
hverfis ríkisstofnana. Ráðgjafinn á því að geta veitt ráðgjöf
sem nýtist vinnustaðnum og skilið aðstæður og vandamál sem
glímt er við. Traustur bakgrunnur eykur trúverðugleika ráð-
gjafans og stuðlar að skilvirkara starfi þar sem niðurstöður ráð-
gjafarinnar eiga að verða sem fyrst sýnilegar í starfi stofnana.
S A M N I N g U R U M F A g M E N N S K U
o g g Æ Ð I
Hvort sem ráðgjafinn er starfsmaður Starfsmenntar eða
kemur utan frá þá gilda sömu kröfur um vinnu hans varðandi
fagmennsku og mat. Starfsmennt gerir samning við ráðgjaf-
ann þar sem markmið verkefnisins eru skilgreind og getið um
tímalengd, afurð og greiðslur. Þar er einnig gerð grein fyrir
hlutverki stofnunar til að greiða leið ráðgjafans að starfsfólki,
aðföngum og gögnum. Tímalengd ráðgjafarinnar er misjöfn
en algengur tími er um 45 klukkustundir sem ýmist eru unnar
á vinnustað eða í samstarfs- og stýrihópum.
Starfsmennt kostar vinnu ráðgjafans að því gefnu að hún
nýtist félagsmönnum aðildarfélaganna og áskilur sér alltaf
rétt til að yfirfæra niðurstöður verkefna á aðrar stofnanir eða
starfsstéttir. Þannig er tryggt að góðar hugmyndir og nýjar
aðferðir nýtist fleiri en einni stofnun um leið og byggður er
upp þekkingargrunnur á þessu sviði. Það er til marks um
gæði ráðgjafarinnar að algengt er að stofnanir sæki um fram-
haldsvinnu ráðgjafans og er það oftast auðsótt mál þegar um
stærri stofnanir er að ræða eða metnaðarfull verkefni. Hlut-
verk ráðgjafans er ekki eingöngu að veita góð ráð og hand-
leiða heldur að vinna á vettvangi með bæði starfsmönnum
og stjórnendum. Ráðgjafinn tekur þátt í hinni eiginlegu vinnu
og sést oft við skriftir því afurð verkefnanna á að komast sem
fyrst til framkvæmda.
T R ú N A Ð U R o g Þ R ó U N Þ j ó N U S T -
U N N A R
Ráðgjafinn skrifar undir trúnaðaryfirlýsingu um þær upplýs-
ingar sem hann fær í vinnu sinni hjá stofnunum en hann má
þó setja vitneskju sína fram á almennan hátt. Bæði Starfs-
mennt og viðkomandi stofnun eiga afurðir ráðgjafarinnar og
auk þess fær Starfsmennt samantekt á meginniðurstöðum
verkefnisins. Þær nýtast oft til að betrumbæta þjónustuna
eða yfirfæra góðar hugmyndir á annað umhverfi. Á löngum
tíma hefur því safnast saman mikil þekking um þróun þjón-
ustunnar, kosti og galla sem nýtt eru til að ákveða næstu
skref. Við blasir að brýnt er að efla mannauðsþjónustuna enn
frekar og mynda enn sterkari tengsl við stofnanir um leið og
tekið er á því sem miður hefur farið og það styrkt sem vel
hefur verið gert. Símenntun, starfsþróun og stýring mann-
auðsmála eru þau svið sem halda þarf áfram að efla og leita
leiða til að raungera á vinnustað. Það er hagur allra, bæði
starfsmanna og stjórnenda en ekki síður í þágu framtíðar-
uppbyggingar á starfshæfni.
á V I N N I N g U R o g á S K o R A N I R
Árangur af starfi ráðgjafanna hefur í flestum tilfellum reynst
góður og mörg umbótaverkefni hafa litið dagsins ljós. Afurðir
verkefnanna hafa til dæmis verið heildstæðar starfstengdar