Gátt - 2010, Blaðsíða 41

41
Þ á T T T A K A Í F R Æ Ð S L U o g N á M I
g á T T – á R S R I T – 2 0 1 0
Lögð var áhersla á að fá fyrirtæki, stofnanir og sveitar-
félög í samstarf um átaksverkefni, starfsþjálfunarpláss eða
reynsluráðningu. Þannig var hægt að veita ungu fólki hvatn-
ingu og möguleika á hæfnisuppbyggingu og starfsreynslu en
það auðveldar atvinnuleit þegar aðstæður batna á vinnu-
markaði. Átak um sumarstörf er liður í þessu markmiði.
Lögð er áhersla á virka atvinnuleit og fær unga fólkið
stuðning og aðstoð m.a. við gerð ferilskrár og hvernig best er
að koma sér á framfæri á vinnumarkaði.
áherslur í ráðgjöf
Í átakinu er lögð mikil áhersla á náms- og starfsráðgjöf þar
sem atvinnuleitandi fær aðstoð við að kortleggja stöðuna og
stuðning við að leggja í hana þá merkingu sem hefur gildi
fyrir hann. Í boði er aðstoð við að greina áhugasvið, kort-
leggja styrkleika og greina hindranir þannig að einstaklingur
geti á grundvelli þessara upplýsinga sett sér markmið til
skemmri og lengri tíma. Markmiðið er að ráðgjöfin stuðli að
einstaklingsmiðaðri virkniáætlun. Til að mæta þörfum þeirra
sem veikast standa er sálfræðiaðstoð í boði og ef þörf er á
býðst atvinnuleitanda að taka þátt í atvinnutengdri endur-
hæfingu.
H V E R j U V I L d U M V I Ð N á ?
Megináherslan var á virkni innan þriggja mánaða frá atvinnu-
missi. Því markmiði hefur verið náð og nú er staðan sú að
öllum ungmennum, sem missa vinnu, býðst ráðgjöf innan
þriggja mánaða. Það er von okkar að þessi árangur ásamt
þeim fjölbreyttu tilboðum um virkniúrræði, sem í boði eru,
mildi áhrifin af efnahagskreppunni á ungt atvinnulaust fólk
og stuðli að því að það geti betur fótað sig á vinnumarkaðnum
þegar aðstæður batna. Að efla samstarf við ólíka aðila hefur
gengið vel og leitt til áhugaverðra þróunarverkefna sem
spennandi verður að þróa enn frekar. Þann 1. september sl.
höfðu 46% þeirra sem voru á atvinnuleysisskrá við upphaf
átaksins afskráðst og af þeim höfðu 50% farið í starf.
R A d d I R N o T E N d A Þ j ó N U S T U N N A R
Félagsvísindastofnun H.Í. var falið að gera úttekt á verk-
efninu og hófst sú vinna í febrúar. Einn liður var að kanna
viðhorf og væntingar ungmennanna sjálfra til átaksins og á
vormánuðum framkvæmdi Félagsvísindastofnun könnun í
þeim tilgangi. Öll ungmenni, sem voru á atvinnuleysisskrá í
febrúar og mars, fengu senda rafræna könnun eða 3.958. Alls
fengust svör frá 2.772 og er brúttósvörun um 70% – nettó-
svarhlutfall 76%. Niðurstaðan var sú að ungmennin reyndust
almennt mjög ánægð með átakið. Tæplega 80% töldu sig
hafa fengið góða kynningu og aðstoð við val á úrræðum.
Meirihlutinn var ánægður með úrræðin sem þeim bauðst.
Meirihlutinn vænti þess að þátttaka í átakinu og úrræðum
ætti eftir að auka færni, auka möguleika á vinnumarkaði,
efla færni í mannlegum samskiptum og bæta andlega líðan.
Niðurstaðan sýndi sömuleiðis að þeir sem höfðu lokið úrræði
voru mun virkari í atvinnuleitinni en þeir sem voru skemmra
á veg komnir í átakinu.
2.500
2.000
1.500
1.000
500
0
Höf
uð
bo
rg
ar
sv
æ
ðið
Su
ðu
rn
es
Ve
stu
rla
nd
Ve
stf
irð
ir
Nor
ðu
rla
nd
ve
str
a
Nor
ðu
rla
nd
ey
str
a
Aus
tu
rla
nd
Su
ðu
rla
nd
1.949
1.500
Janúar
September
491
309
127 54 29 24 32 26
319
171 73 46
180 145
Mynd 7. Fjöldi ungra atvinnuleitenda eftir landsvæðum í janúar og september 2010
(Vinnumálastofnun, 2010)