Gátt - 2010, Blaðsíða 94

94
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
kerfinu og innleiðingu þess. Það varð því úr að allir starfs-
menn símenntunarsviðsins urðu þátttakendur í sjálfsmatinu,
auk þess sem skipaður var verkefnisstjóri. Hann var fenginn úr
starfsmannahópnum en af rannsóknasviði Þekkingarnetsins.
Starfsmenn tömdu sér snemma að tala um „vísa“ þegar
verið var að ræða um atriðin sem tekin eru fyrir í sjálfsmatinu,
til dæmis vísir 1.1.1. Vísunum var skipt á milli starfsmanna eftir
ábyrgðarsviði. Verkefnisstjórinn setti upp tímaramma og verk-
áætlun og sá til þess að skipulagið héldi. Þegar hver og einn
hafði unnið að sínum vísum hitti hann aðra starfsmenn sem
höfðu fengið sömu vísa til þess að ná sameiginlegri niðurstöðu
um hvernig ætti að framkvæma og að hvaða gæðamarkmiði
væri stefnt. Að því loknu var haldinn fundur með öllum starfs-
mönnum þar sem farið var yfir EQM sjálfsmatið í heild.
Símey hafði á þessum tímapunkti slegist í hópinn með
Þekkingarneti Austurlands og Þekkingarneti Þingeyinga og
ákveðið að fara í gegnum sjálfsmatið. Það var því ákveðið að
þeir starfsmenn sem myndu hafa umsjón með gæðamálum á
hverri miðstöð ásamt forstöðumönnum hittust á fundi til að
samræma niðurstöður sjálfsmatsins á milli miðstöðvanna.
Tilgangurinn var að útbúa gæðahandbók því á öllum mið-
stöðvunum hafði starfsfólk komist að þeirri niðurstöðu að
nauðsynlegt væri að útbúa gæðahandbók til að starfa eftir
og til að tryggja rétt gæði í starfi símenntunarmiðstöðvanna.
Niðurstaða starfsmanna Þekkingarnets Þingeyinga varð jafn-
framt sú að nauðsynlegt væri að gæðahandbókin og EQM-
sjálfsmatið kölluðust á þannig að hver vísir í sjálfsmatinu
vísaði til samsvarandi atriðis í gæðahandbókinni. Fundurinn
reyndist mjög gagnlegur að mörgu leyti, til dæmis kom í ljós
að mismunandi skilningur var á merkingu nokkurra vísa og var
hægt að komast að sameiginlegum skilningi en einnig varð
til grunnur að gæðahandbók sem allar símenntunarmiðstöðv-
arnar geta notað við gerð eigin gæðahandbókar.
Þegar þessum samræmingaraðgerðum var lokið var
áfram unnið að gerð gæðahandbókar Þekkingarnets Þingey-
inga og hún löguð að því sem einkennir starfsemina til dæmis
hvað varðar starfssvæði og mannfjölda. Verkefnastjórinn
fékk gæðahandbókina reglulega í hendur og las yfir og kom
með ábendingar um hvar þyrfti að útskýra betur, hver gæðin
ættu að vera eða hvar þyrfti að setja skýrar verklagsreglur.
Um þessar mundir er verið að ljúka vinnu við gerð gæðahand-
bókarinnar, með öllum fylgiskjölum sem skýra verklagsreglur
í tengslum við vísana, og hefur stjórn Þekkingarnetsins fengið
hana til umfjöllunar. Í kjölfar þess að vinnu við bókina lýkur
og að stjórn hefur fjallað um hana hefst innleiðing á gæða-
kerfinu og gæðahandbókinni og er ætlunin að hún verði að
fullu komin í gagnið í janúar næstkomandi. En vinnunni lýkur
ekki þar með því vinna við gæðamál er vinna sem engan endi
tekur. Sjálfsmatið verður framvegis gert árlega (í marsmánuði)
og í framhaldi af því sett upp úrbótaáætlun og þannig mun
þetta ganga ár eftir ár.
Nú er fyrsta leikhluta um það bil að ljúka. Starfsmenn eru
mjög ánægðir með vinnuna sem fram hefur farið í tengslum
við EQM sjálfsmatið sem og gerð gæðahandbókarinnar. Eftir
á að hyggja hefur það komið mest á óvart hversu mikil vinna
í gæðamálum hafði verið innt af hendi án þess að vera form-
gerð með einhverjum hætti. Þá kom einnig á óvart hve sam-
mála starfsmenn allra miðstöðvanna voru um að hvaða gæða-
markmiðum skyldi stefnt. Sú ákvörðun að fara í sjálfsmat tengt
gæðamálum kom í rökréttu framhaldi af þeirri vinnu sem hafði
verið unnin á símenntunarsviði Þekkingarnetsins. Það var því í
raun kærkomið að fá heildstætt kerfi til að vinna eftir, þó enn
vanti örlítið upp á að það gagnist starfseminni í heild.
U M H Ö F U N d I N N
Helena Eydís Ingólfsdóttir starfar sem sviðsstjóri símennt-
unarsviðs hjá Þekkingarneti Þingeyinga. Helena er með
B.Ed. – próf í kennslufræðum frá Háskólanum á Akureyri og
stundar um þessar mundir nám á meistarastigi í opinberri
stjórnsýslu við Háskóla Íslands. Áður en Helena hóf störf hjá
Þekkingarnetinu starfaði hún sem grunnskólakennari við
Síðuskóla á Akureyri.
A b S T R A c T
The paper deals with the implementation of the EQM quality
management at the Húsavík Academic Centre (Þekkingarnet
Þingeyinga). The quality activities at the centre is described
and the reasons why the centre decided to cooperate with the
Education and Training Service Centre (FA) and several con-
tinuing education centres in designing a self-evaluating pro-
gramme and implementing the EQM quality management.