Gátt - 2010, Blaðsíða 49

49
R á Ð g j Ö F o g R A U N F Æ R N I M A T
g á T T – á R S R I T – 2 0 1 0
er sem viðkomandi vill fyrst og fremst styrkja eða stefna að er
komið að næsta skrefi sem er að kynna, skoða og meta hvað
er í boði fyrir atvinnuleitandann út frá þörfum hans.
Hvaða möguleikar eru í boði?
Náms- og starfsráðgjafar þurfa að hafa yfirsýn yfir hvaða
nám og úrræði standa bæði atvinnuleitendum sem og öllum
fullorðnum til boða. Vinnumálastofnun býður upp á fjölbreytt
námskeið og virkniúrræði og styrkir einnig atvinnuleitendur
til að fara í námsleiðir skv. námskrám Fræðslumiðstöðvar
atvinnulífsins sem kenndar eru hjá Mími og í nám hjá fleiri
fræðsluaðilum. Í mörgum tilvikum opnar kynning á mögu-
leikum til náms nýja sýn fyrir ráðþegann á hvað er í boði
eða eins og einn ráðþegi sagði „ég hef aldrei þorað að
horfa í áttina að skólabyggingu eftir að ég lauk grunnskóla
og aldrei dottið í hug að kanna neina möguleika á námi“.
Atvinnuleitendum býðst einnig aðstoð hjá ráðgjöfum Mímis
við að útbúa eða bæta ferilskrár, stuðning við að útvíkka
hugmyndir í atvinnuleit og undirbúa sig undir atvinnuviðtöl.
Þetta nýta sér margir. Ef sálrænn eða félagslegur vandi er
hindrun í starfsleitinni þá aðstoðar ráðgjafi atvinnuleitanda
við að finna aðstoð við hæfi, t.d. hjá sálfræðingi VMST. Í
flestum tilvikum er tekin ákvörðun um virkni í viðtalinu og
markmið eru sett til skemmri eða lengri tíma.
gerð áætlunar
Flestir atvinnuleitendur á vegum VMST og þeir sem koma á
eigin vegum velja að sækja námskeið eða námsleiðir sem
falla undir vinnumarkaðsúrræði eða undirbúa t.d. umsóknir
inn í lánshæft nám. Ef atvinnuleitandi óskar eftir námskeiði
á vegum VMST fyllir hann út skráningarblað sem er sent ráð-
gjöfum þeirra sem sjá um að boða viðkomandi á námskeiðið.
Ef viðkomandi hefur hug á að stunda lengra nám, t.d. í náms-
leiðum skv. námsskrám Fræðslumiðstöðvar atvinnulífins, þá
þarf ráðgjafi Mímis að hafa samband við VMST og kanna
hvort viðkomandi eigi rétt á námssamningi og kanna hvort
það sé laust pláss. Ef um er ræða nám hjá Mími gengur náms-
og starfsráðgjafi frá námssamningi og bókunarblaði þar sem
atvinnuleitandi skrifar undir að hann sé meðvitaður um þær
skyldur sem úrræðið felur í sér. Þetta gefur einstaklingum
tækifæri til að koma í húsnæðið, kynnast ráðgjafa og afla
frekari upplýsinga. Það getur losað um kvíða og spennu sem
fylgir því að takast á við hlutverk námsmanns á ný. Niður-
stöður allra viðtala í umboði Vinnumálastofnunar eru sendar
VMST og sjá ráðgjafar þeirra um að skrá inn í skráningarkerfi
stofnunarinnar.
Eftirfylgni
Í mörgum tilvikum veitir ráðgjafi atvinnuleitanda eftirfylgni
en það fer allt eftir þörfum og aðstæðum hvers og eins.
Þeim sem koma í nám hjá Mími er boðið að leita aðstoðar
og stuðnings meðan á námi stendur, t.d. vegna persónulegs
og námstengds vanda og margir nýta sér það. Þá stendur
atvinnuleitendum í námsleiðum Mímis til boða að koma
aftur í viðtal þegar námi er að ljúka og fá tækifæri til að
endurskoða markmið sín eða setja sér ný og skoða mögu-
leika og leiðir.
H ó p R á Ð g j Ö F – F Æ R N I M A p p A
Náms- og starfsráðgjafar Mímis hafa boðið atvinnuleitendum
upp á hópráðgjöf þar sem þátttakendur hittast í þrjú skipti.
Í hópráðgjöfinni eru ræddir ýmsir þættir er snúa að starfs-
leit og þeir útbúa færnimöppu. Færnimappan getur hjálpað
einstaklingi að koma auga á styrkleika sína og með hópráð-
gjöfinni fær atvinnuleitandi tækifæri til að fá viðbrögð og
hugmyndir í starfsleit frá fleiri aðilum auk þess að læra af
reynslu annarra.
A Ð L o K U M
Meirihluti ráðþega hjá Mími á síðasta ári hafa verið atvinnu-
leitendur. Flestir þeirra hafa sýnt áhuga á að styrkja persónu-
lega og starfstengda færni og margir eru að láta drauma um
að hefja nám á ný rætast. Ráðgjöf við atvinnuleitendur hefur
m.a. vegna skyldu til þátttöku í starfsleitaráætlunum og vilja
einstaklinga til starfsþróunar veitt ráðgjöfum tækifæri til
að fylgjast betur með hvernig ráðþeginn kemur áætlunum
sínum í framkvæmd. Það veitir ánægjulega endurgjöf í starfi.