Gátt - 2010, Blaðsíða 104
104
F R Æ Ð S L U M I Ð S T Ö Ð A T V I N N U L Í F S I N S
g á T T – á R S R I T – 2 0 1 0
heitinu „Sterkari starfsmaður, Nám og þjálfun í ensku 1., 2.
og 3. þrep“. Í heftinu er lýst 54 klukkustunda (81 kennslu-
stunda) námslotum. Námsskrárnar fylgja viðmiðinu „Erlend
mál útfærsla 2 – lærdómsviðmið“ sem er birt á vefnum
nymenntastefna.is.
Námsskrá fyrir nám í meðferð matvæla var skrifuð og
frágengin með tilraunakennslu í huga.
Námsleið til undirbúnings náms í frumgreinadeild er
600 kennslustunda nám. Stofn námsleiðarinnar er unninn
úr námsskránum Grunnmenntaskóli og Nám og þjálfun í
almennum bóklegum greinum. Kennslustundum í nokkrum
námsþáttum er fækkað og kennslustundum til valgreina
varið til að fjölga kennslustundum í íslensku, ensku og stærð-
fræði. Breytingarnar eru innan þeirra marka sem sett eru um
breytingar af þessu tagi á námsskrám FA. Breytingarnar
voru unnar að frumkvæði Miðstöðvar símenntunar á Suður-
nesjum sem hefur boðið nám samkvæmt þessu fyrirkomulagi
til undirbúnings háskólabrú Keilis. Fleiri símenntunarmið-
stöðvar hafa einnig gert það. Aukin eftirspurn leiðir til þess
að nauðsynlegt reynist að fá metna sérstaka námsskrá fyrir
nám samkvæmt þessu fyrirkomulagi. Í undirbúningi er sam-
starf við fleiri frumgreinadeildir um undirbúningsnám.
Tillaga var gerð að nýjum námsleiðum fyrir ungt fólk. Til-
laga var gerð um námsferil sem hefst með náms- og starfsráð-
gjöf á undan námsskrám FA. Eftir það verði kostur á ýmsum
námsleiðum s.s. Sterkari starfsmaður, Grunnmenntaskóli,
Færni í ferðaþjónustu I og II og Leikskólaliðar. Í framhaldi af
námsleið eða samhliða henni verði starfsþjálfun.
Ekki voru gefnar út nýjar námsskrár á árinu en 7 náms-
skrár voru endurprentaðar: Færni í ferðaþjónustu 1 og 2,
Trúnaðarmannanámskeið 1 og 2, Grunnmenntaskólinn, Nám
og þjálfun í almennum bóklegum greinum og Öryggisverðir.
Skjámyndir vegna útgefinna námsskráa á vef FA, www.
frae.is, voru endurnýjaðar. Krækjur í prentvænar útgáfur
námsskránna á vefnum voru endurbættar.
Unnið var að því á árinu að greina þekkingarþörf og laga-
umhverfi dyra- og öryggisvarða. Það verkefni er unnið fyrir
Starfsgreinasamband Íslands og á árinu 2009 var að mestu
lokið vinnu með rýnihópum og fundum með álitsgjöfum. Stýri-
hópur er starfandi fyrir verkefnið með aðkomu hagsmunaaðila
og gert er ráð fyrir að verkinu ljúki á haustmánuðum.
Á árinu hófst einnig undirbúningur að mótun heildstæðs
náms í ferðaþjónustu á vegum samstarfshóps Starfsgreina-
sambands Íslands og Samtaka ferðaþjónustunnar en FA
heldur utan um verkefnisstjórn þessa verkefnis.
Rannsókn á tveimur námsleiðum
Á árinu 2009 var unnin rannsókn á árangri tveggja námsleiða
sem FA gefur út fyrir fólk með lestrar- og skriftarerfiðleika,
Aftur í nám og Skref til sjálfshjálpar í lestri og ritun. Þátt-
takendur í rannsókninni voru allir þeir sem sótt hafa þessi
námskeið á starfstíma FA, alls 507 einstaklingar. Niðurstöður
voru birtar í skýrslu sem er aðgengileg á vef FA. Einnig var
gerð grein fyrir rannsókninni og niðurstöðum í Gátt og á árs-
fundi FA í nóvember 2009.
Verkefnið hlaut styrk frá Starfsmenntaráði og var unnið
í samstarfi við Félag lesblindra, Mími–símenntun og Kvasi.
Svörun var mjög góð eða yfir 70% og niðurstöður sýna að
þátttakendur eru mjög ánægðir með bæði þessi námskeið og
að þau hafa haft mikið að segja fyrir einstaklingana. Meðal
þess sem fram kemur í rannsókninni er að 59% þeirra sem
tóku Aftur í nám og 34% þeirra sem tóku Skref til sjálfshjálpar
hafa farið í frekara nám eftir að þeir luku námsleiðunum og
fleiri hyggja á nám á næstunni. Margir lýstu einnig áhuga
á framhaldsnámskeiði eða 83%. Hjá FA er hafinn undir-
búningur námsskrár sem hentað getur sem viðbótarnám á
þessu sviði.
Gæði náms
Eitt af hlutverkum Fræðslumiðstöðvarinnar er að tryggja að
gæði fræðslunnar séu sem allra best hjá framkvæmdaraðilum
og gerir FA kröfu til samstarfsaðila sinna um að þeir fram-
fylgi almennum samningsskilmálum um gæði í framkvæmd
og kennslu. Í nýtilkomnum lögum um framhaldsfræðslu er
innra gæðamat og tilvist gæðakerfa skilyrði fyrir viðurkenn-
ingu fræðsluaðila til að annast framhaldsfræðslu. Auk þess
boða lögin úttektir á framkvæmd fræðslunnar.
Sem lið í að auka gæði og til að styðja fræðsluaðila við
að uppfylla skilyrði laganna hefur FA á liðnu ári kynnt sjálfs-
matskerfi og vottunarferli fyrir fræðsluaðila (EQM, European
Quality Mark) sem hannað var í gegnum samstarfsverkefnið
RECALL (stýrt af FA). EQM er ætlað til vottunar fræðsluaðila