Gátt - 2013, Qupperneq 20

20
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 3
verkefnastjórnun, vöruhönnun og fleiri og fleiri námsgreinar
en það er kannski ekki raunhæft að krefjast þess að hann
ljúki öllum námskeiðum á viðkomandi námsbrautum heldur
aðeins þeim sem henta sérhæfingu hans.
Það má jafnvel sjá fyrir sér að samsett leið eins og sú
sem gæti gagnast kerfishönnuðinum okkar gæti dugað
honum sem námsleið alveg upp á háskólastigið.
Töluverð reynsla er komin á allar þessar leiðir (nema
kannski þá síðustu) og ef þrepaskiptingu náms, ásamt gæða-
vottun, námsráðgjöf og eftirliti væri beitt til að samstilla
kröfur þá er erfitt fyrir leikmanninn að sjá hvað geti mælt á
móti því að bjóða svona leiðir.
L O K A O R Ð
Flestar þeirra leiða sem hér hafa verið reifaðar eru tilbúnar,
eða eru að minnsta kosti á teikniborðinu hjá einhverjum af
þeim mörgu sem koma að þróun og viðhaldi þekkingar. En
svo að einhverjar hugmyndanna geti orðið að veruleika þarf
að ganga frá nokkrum atriðum.
Formfesta þarf verklag við staðfestingu og vottun inn á
menntaþrep fyrir allt nám og raunfærnimat svo einfaldara
sé að taka á móti einstaklingum sem þurfa að nýta sér sam-
setta leið að settu takmarki. Gæðavottun og eftirlit skipta
því miklu til að einstaklingar og fyrirtæki geti nýtt sér niður-
stöður óháð því hvar og hvernig þekkingar hefur verið aflað.
Á einhvern hátt þarf svo að tryggja að það viðmót sem
snýr að einstaklingnum sem hyggur á nám sem byggt er á
þessum óhefðbundnari leiðum, gefi mynd af heildstæðri
lausn með skýr lokamarkmið.
Tryggja þyrfti að fjármögnun sé ekki bundin við bara
einn þátt (viðmiðaramma, námskrárgerð, raunfærnimat)
heldur heildarlausn sem hefði það að takmarki að bjóða til-
teknum hópi upp á leið til að hækka sig um eitt menntaþrep.
Þá er ljóst að slíkt ferli krefst samstarfs atvinnulífs, starfs-
greinaráða og fræðsluaðila á öllum skólastigum. Loks er að
nefna námsráðgjöf, sem er gríðarlega mikilvægur þáttur í
ferlum sem þessum.
Upphaf verkefna sem FTR hefur tekið þátt í er sprottið úr
grasrótinni, hjá fagfélögum eða atvinnurekendum. Við erum
með eyrað við jörðina, í góðum tengslum við þróun innan
viðkomandi fags og það ætti því að vera frekar auðveldur
leikur að skilgreina hagsmunaaðila sem þurfa að koma að
viðkomandi verkefni.
Það er hinsvegar ekki gefið mál að stéttarfélögin hafi
nægjanlegt innsæi inn í menntakerfið til að geta sótt stuðn-
ing til réttu aðilanna svo unnt verði að koma þessum verk-
efnum áfram. Leiðin þarf því að vera skýr: Hver getur tekið
við keflinu og hlaupið með það áfram? Slíkur umsjónaraðili
gæti til dæmis verið til innan fræðslustofnana stéttarfélag-
anna eða öðrum skyldum aðilum.
Í dag er kerfið svolítið að vinna í verkefnum, stórum og
litlum, sem eru hver í sínu horni. Á meðan þau verkefni eru
unnin sem rannsóknar- og þróunarverkefni þá er það vel
skiljanlegt, en mögulega erum við að komast að þeim tíma-
punkti að við getum farið að setja saman heildarferli með
fast verklag, – hver veit?
U M H Ö F U N D I N N
Jakob Tryggvason hefur unnið sem hljóðhönnuður, hljóð-
maður og tæknimaður við leikhús, upptökuver og tónleika
hér heima og í Bretlandi frá árinu 1992. Hann var fastráð-
inn hjá Leikfélagi Reykjavíkur árið 2000 og hefur verið for-
stöðumaður hljóðdeildar frá árinu 2007. Jakob hefur unnið
hljóðmynd við fjölda leiksýninga auk ýmissa danssýninga
á vegum Íslenska dansflokksins auk fjölda annarra sýninga
stórra og smárra. Auk þess að starfa hjá Borgarleikhúsinu
er Jakob formaður Félags tæknifólks í rafiðnaði. Jakob sat í
íslenska stýrihópnum fyrir REVOW-verkefnið fyrir hönd FTR
auk þess að koma að kynningu verkefnisins á vinnustöðum
og upplýsingafundum til þátttakenda. Hann var einnig sem
aðstoðarmatsaðili við verkefnið.