Gátt - 2013, Síða 89

89
A F S J Ó N A R H Ó L I
G Á T T – Á R S R I T – 2 0 1 3
T V Æ R S M I Ð J U R F Y R I R V E S T A N
Smiðjan í hönnun og handverki var kennd í tilraunaskyni á
Ísafirði í febrúar á þessu ári og í maí á Bíldudal. Þátttakendur
voru flestir atvinnuleitendur og komu fyrir milligöngu Vinnu-
málastofnunar. Þeir voru á aldrinum 22– 68 ára, 22 konur og
5 karlar, álíka margir á hvorum stað. Einn þátttakanda var
með háskólapróf, tveir með stúdentspróf eða sambærilega
menntun en hinir höfðu ekki próf úr framhaldsskóla. Þátt-
takendur í smiðjunum voru leiddir í gegnum fjögurra vikna
vinnuferli um nýsköpun í gerð söluvarnings fyrir ferðamenn á
Vestfjörðum, grundvallað á einu höfuðþema á hvorum stað.
Á Ísafirði var höfuðþemað vestfirska skatan og á Bíldudal var
höfuðþemað aðalbláber.
Kennt var í tveimur tveggja vikna lotum sem hvor um sig
var 60 kennslustundir. Í fyrri lotunni fengu nemendur innsýn
ELÍSABET GUNNARSDÓTTIR
S M I Ð J A Í H Ö N N U N O G H A N D V E R K I
Fræðslumiðstöð Vestfjarða átti snemma árs 2012 frumkvæði að því að skrifuð var 120
kennslustunda námsskrá fyrir Smiðju í hönnun og handverki í samvinnu við Fræðslumið-
stöð atvinnulífsins, FA. Námsskráin byggist á svokallaðri Opinni smiðju sem mennta- og
menningarmálaráðuneytið hafði heimilað til tilraunakennslu í eitt ár. Smiðjan er skipulögð
í tveimur 60 kennslustunda lotum og heimilt er að meta smiðjuna til allt að 10 eininga á
framhaldsskólastigi. Fræðslumiðstöð Vestfjarða fól greinarhöfundi að skrifa námslýsingu
fyrir smiðjuna og að stýra kennslu hennar.
Við mótun kennsluaðferða og uppbyggingu og val á viðfangsefnum var tekið mið af
reynslu sem höfundur hafði aflað sér við rekstur og uppbyggingu tveggja alþjóðlegra lista-
miðstöðva á árunum 2003–2011, annarri á vesturströnd Noregs og hinni á austurströnd
Kanada. Við báðar þessar listamiðstöðvar voru þróuð nýsköpunarverkefni þar sem leitt var
saman handverksfólk með staðbundna þekkingu og reynslu annars vegar og alþjóðlegir
listamenn og hönnuðir hins vegar. Búin voru til verkefni þar sem fólk úr báðum hópum vann
saman á jafnréttisgrundvelli og þróaði nýjar aðferðir við hugmyndavinnu í þeim tilgangi að
finna hefðbundnu handverki nýtt hlutverk.
Elísabet Gunnarsdóttir
Lögð er áhersla á að þátttakendur í smiðjunni fari saman í skoðunarferðir. Samvera og upplifun eru mikilvægur hluti af sköpunarferlinu.