Læknaneminn - 01.04.1969, Page 61

LÆKNANEMINN
57
Þeir sömu álíta, að hin mikla
áherzla, sem lögð hefur verið á
grunngreinarnar og sjálfstæð vís-
indastörf innan þeirra, fæli stúd-
entana frá því að helga sig
stundun sjúkra.
Skortur almennrar læknisþjón-
ustu utan sjúkrahúsa er mikið
vandamál í borgum og sveitum
Bandaríkjanna. Sá skortur stafar
e. t. v. af því, að læknisþjónusta
utan sjúkrahúsa hefur ekki fengið
að þróast á vegum læknaskólanna,
sem beint hafa athygli og vinnu
nemendanna fyrst og fremst að
sjúkrahúsastarfi og vísindastarfi.
Haldnir hafa verið margir fund-
ir læknaskólakennara, kennslu-
fræðinga og þjóðfélagsfræðinga
og bent á hugsanlegar leiðir til
þess að bæta ástandið. Ein leiðin
er sú að skera niður fjölda og
lengd skyldunámsgreina. í stað
þeirra er nemendum gefinn kost-
ur á að velja sér námsgreinar við
sitt hæfi í samráði við kennarana.
Heildarnámstíminn í skólunum
hefur þó yfirleitt ekki breytzt.
Þessi ákvörðun virðist í fljótu
bragði nokkuð róttæk, en við nán-
ari athugun sést, að hún á fullan
rétt á sér. Menntun stúdenta, sem
nú innritast í læknaskóla, hefur
batnað mikið á undanförnum ár-
um og óhætt er að fullyrða, að að-
eins úrvals nemendur fullnægi
þeim kröfum, sem læknaskólarnir
setja til inngöngu. Til þess að
tryggja sér inngöngu í læknaskóla
hafa því stúdentar valið sér raun-
vísindagreinar og þar á meðal líf-
fræðigreinar sem undirstöðu-
menntun. Sumir þeirra hafa þeg-
ar unnið að sjálfstæðum vísinda-
rannsóknum í þessum greinum,
þegar þeir koma í læknaskólana.
Af þessum sökum hefur verið tal-
ið óþarft í mörgum beztu lækna-
skólunum að halda uppi allri
þeirri kennslu, sem áður var nauð-
synleg í grunngreinunum, því að
hún yrði aðeins endurtekning fyr-
ir nemendurna. Klínísku grein-
arnar hafa einnig orðið fyrir barð-
inu á niðurskurðarmönnunum, og
eru sumar þeirra ekki lengur
skyldunámsgreinar. f einum skól-
anna var jafnvel talað um að hafa
handlæknisfræði eina af val-
frjálsu greinunum.
Eitt af því, sem talið er nauð-
synlegt að gera til þess að beina
kandidötum að almennri læknis-
þjónustu, er að breyta inntöku-
skilyrðum skólanna. f stað þess að
leggja aðaláherzlu á raunvísinda-
greinar og útiloka aðra en þá,
sem hafa fyrst og fremst lagt
stund á þær, verður einnig reynt
að taka inn stúdenta, sem hafa
fyrst og fremst stundað hugvís-
indagreinar, þar á meðal sálfræði
og þjóðfélagsfræði. í slíkum til-
fellum gæti þurft að endurskoða
styttingu grunngreinanna sem
skyldunámsgreina, sem áðan var
getið. Til þess að fá lækna í störf
í afskekktari hlutum landsins og
í fátækrahverfum borganna, hefur
verið stungið upp á að taka hluta
af stúdentum frá slíkum lands-
hlutum í þeirri von, að þeir muni
snúa aftur til heimkynna sinna að
loknu námi.
Sá skóli, sem ég dvaldist lengst
við, var Harvard Medical School í
Boston. Sá skóli er að gjörbreyta
kennslukerfi sínu, og var það að-
eins að nokkru leyti mótað s. 1.
haust, þ. e. fyrsta og annað árið
voru að mestu skipulögð, en síð-
ari tvö árin ekki nema að litlu
leyti. Samt sem áður var ekki tal-
ið fært að bíða með það að byrja,
og var þá hafin kennsla á fyrsta
árinu eftir hinu nýja kerfi.
Helzti frumkvöðull breytingar-
innar er Dr. Alexander Leaf, sem