Bændablaðið - 24.08.2023, Qupperneq 7

7Bændablaðið | Fimmtudagur 24. ágúst 2023
Á heimasíðu íslenska fjárhundsins má lesa um að hundarnir
hafi verið þjálfaðir til snjóflóðaleitar, sem meðferðarhundar fyrir
einhverf börn og að sjálfsögðu til smalamennsku. Hér má sjá
hundinn Sunnusteins Kappa. Mynd / ÁEÁ.
LÍF&STARF
Það var ofurlítill veðragnýr í lokavísu
síðasta þáttar þar sem Valborg
Guðmundsdóttir orti í nöprum vindi
og norðanregni. Ingólfur Davíðsson
orti í svipaðan máta næstu tvær vísur:
Römmum Norðra rann í skap,
-rofnar páskafriður-.
Angraði fénað, aspir drap,
urtir barði niður.
Þetta er leiður allra átta fjandi,
útsynningur gleiður, tvístígandi.
Austan garri, norðan náhraglandi.
Nú er varla hundi útsigandi.
Öllu léttara er yfir þessari veðurfarsvísu
Guðmundar Finnbogasonar, Hvoli í
Njarðvík:
Vetur hefur veðrum týnt,
vor um landið setur.
Góan hefur gert það fínt,
geri aðrir betur.
Þó að slysalítið hafi verið á síðastliðinni
verslunarmannahelgi, hefur stundum
gengið á ýmsu í henni veröld. Stefán
Hallsson orti:
Óðagot er ýmsum tamt,
enda hlotist kvöl af því.
Höfuðbrot og helsi rammt
heimsbörn rotast slysum í.
Sveinn Hannesson orti þessa vísu á ferð
um Laxárdal:
Skiptin átta eru tíð,
auðnan fátt mér léði,
en þegar ég átti þessa hlíð
þá var kátt í geði.
Hafsteinn Halldórsson bókari leit yfir
æviveginn harla glaður:
Ánægður um ævisjó
ennþá stýri fleyi,
því ég hef í nefið nóg
nærri á hverjum degi.
Þorgerður Stefánsdóttir orti eftir
ónæðissama brúðkaupsnótt Eggerts
Ólafssonar í Kristnesi:
Eggert vinur ekkert linur
upp í brúðarrekkju sté,
hátt við stynur, heyrðist hvinur,
hurðarlykill brotnaðe.
Eftir Guðmund Þ. Sigurgeirsson á
Drangsnesi er þessi snotra vísnasmíð:
Gengið hef ég margs á mis,
má þó heita ríkur,
áhyggjurnar eins og fis
af mér gleðin strýkur.
Guðmundur á Höfða orti næstu tvær
vísur til Ingibjargar á Refsteinsstöðum:
Yfir heiðar, firði, fjöll
finn ég leiðir, svanni,
þar sem greiðist gangan öll
gömlum veiðimanni.
Ef þína skal ég fundi fá,
frjálsu tali lofa,
en brennt og malað þyrfti þá
þar í Dalakofa.
Enn eru mér færðar vísur eftir þann
einstaka hagyrðing Óla heitinn bónda
á Gunnarsstöðum í Þistilfirði:
Sé þín hugsun aðeins ein
áfram beina veginn,
finnurðu aldrei óskastein
í urðinni hinumegin.
Lúðvík Kemp orti þessa snjöllu vísu:
Lystisemda lífsins njótum,
liðna tíma er vert að muna,
þó við stöku boðorð brjótum
í bróðerni við samviskuna.
Umsjón:
Árni Geirhjörtur Jónsson
kotabyggd1@gmail.com
MÆLT AF
MUNNI FRAM
Systurnar Karen og Maren Pálsdætur eru ánægðar með ferfættu
félagana, þau Stefsstells Dranga Kommu og Sóma. Mynd / ÁEÁ.
Litaflóra íslenska fjárhundsins er fjölbreytt. Aðallitir hans, í ýmsum
blæbrigðum, eru gulur og rauður, leirhvítir, gráir, mórauðir og svartir.
Þeir geta einnig verið blesóttir, skjömbóttir, strútóttir, sporóttir,
leistóttir, löppóttir og með týru. Mynd / ÞAG.
Hundurinn Snjófells Sólmyrkvi, kallaður Sómi, er svartur þrílitur rakki
sem m.a. hefur leikið í íslenskum sjónvarpsþáttum.

Mynd/ Ágúst Elí Ágústsson.
Íslenski fjárhundurinn er þjóðar-
hundur Íslendinga og þann 18. júlí
ár hvert er haldinn hátíðlega dagur
íslenska fjárhundsins víðs vegar um
landið og heiminn.
Dagurinn var haldinn hátíðlegur
í áttunda sinn í ár og ávallt hefur
Árbæjarsafn boðið fulltrúum
tegundarinnar til sín í tilfefni dagsins.
Þórhildur Bjartmarz, hundaþjálfari
og hundaeigandi, er ein af þeim
sem standa að baki hátíðisdeginum.
„Dagurinn er fæðingardagur Marks
Watson en á sínum tíma vakti hann
athygli á því að íslenski fjárhundurinn
væri að deyja út og í samstarfi við
hann, Sigríði Pétursdóttur og fleiri
var Hundaræktarfélag Íslands stofnað
árið 1969 til að vernda og stuðla að
hreinræktun íslenska fjárhundsins.
Dagurinn er haldinn hátíðlegur víðs
vegar um heim, t.d. á Norðurlöndum
og í Bandaríkjunum, auk þess sem
samfélagsmiðlar eru vel nýttir til
að senda kveðjur og myndir,“ segir
Þórhildur.
Á heimasíðu íslenska fjárhundsins,
www.dif.is, má lesa um sögu hans
en þar segir að tegundin hafi komið
til landsins þegar á landnámsöld.
Hundurinn varð bændum ómissandi við
smölun og hafa vinnueiginleikar hans
aðlagast landslagi, búskaparháttum
og harðri lífsbaráttu Íslendinga á
liðnum öldum, en í dag er íslenski
fjárhundurinn vinsæll heimilishundur.
Íslenski fjárhundurinn er þekktur
fyrir að vera glaður, forvitinn og
vingjarnlegur hundur með ljúfa lund.
Útlit hundsins er kröftugt, tæplega
meðalstór að hæð, hárafar ýmist
snöggt eða loðið með upprétt eyru
og hringað skott. Í tilefni dagsins,
þann 18. júlí sl., komu saman nokkrir
fulltrúar tegundarinnar í Árbæjarsafni
í Reykjavík. /ÞAG
Dagur íslenska
fjárhundsins
Íslenski fjárhundurinn er þjóðarhundur Íslendinga og barst hingað til lands með landnámsmönnum. Hér má sjá Stefsstells Ísrúnu. Mynd / ÁEÁ.
Hárafar íslenska fjárhundsins er ýmist snöggt eða loðið. Feldurinn er
tvöfaldur, myndaður úr þeli og yfirhárum, þykkur og mjög veðurþolinn.
Hér má sjá hundinn Dranga Kappa Keisara. Mynd / ÁEÁ.
Útlit íslenska fjárhundsins er kröftugt, hann er tæplega meðalstór
að hæð, með upprétt eyru og hringað skott. Hér má sjá Rosenból
Súkkulaði Seif. Mynd / Þórdís Anna Gylfadóttir.