Bændablaðið - 24.08.2023, Side 12

12 Bændablaðið | Fimmtudagur 24. ágúst 2023
FRÉTTIR
Hestaíþróttir:
Fyrsta deild hesta­
íþrótta stofnuð
Sett hefur verið á fót ný deild
í hestaíþróttum, 1. deild, og
er henni ætlað að koma á
milli áhugamannadeildar og
meistaradeildar hestaíþrótta.
Fyrsta deildin í hestaíþróttum
mun halda keppniskvöld sín í
Samskipahöllinni á komandi
ári. Mun að sögn Garðars Hólm
Birgissonar, hestamanns og
fasteignasala, verða miðað við
að alla jafna sé keppt
daginn eftir mót
áhugamannadeildar.
Að sögn Garðars er
1. deildin stofnuð í
kjölfar endurtekinna
áskorana þar um. „Í 1.
deildinni verður keppt
eftir reglum FEIF,“ segir
Garðar, en þó sé horft
fram hjá þeim annmarka að
öll innanhúsmótin séu haldin
á minni velli en gert er ráð fyrir í
FEIF-reglum. „Keppt verður í liða-
og einstaklingskeppni,“ heldur
Garðar áfram. „Keppnisgreinarnar
verða V1, F1, T1, PP1, T2, P2
og gæðingalist 2. Nýja deildin
verður með svipuðu formi og
Meistaradeildin hefur verið haldin
sl. árin og reynst vel. Miðað er
við að 8 lið keppi á tímabilinu og
verður fjöldi knapa í hverju liði
takmarkaður við fimm aðila og þrír
keppa í hverri grein. Riðin verða
bæði A og B úrslit, 5 knapar verða
í hvorum úrslitum, efsti
hestur B-úrslita færist
ekki upp í A-úrslit,“ segir
Garðar enn fremur.
Fram kemur í
fréttatilkynningu að
knapar skuli vera
fullgildir meðlimir
í hestamannafélagi
sem er í Landssambandi
hestamannafélaga.
Þar sem Landssamband hesta-
mannafélaga er fullgildur
aðili að Íþróttasambandi Íslands
(ÍSÍ), gildi lög og reglur ÍSÍ
er varða íþróttamenn um knapa 1.
deildar í hestaíþróttum.
Lágmarksaldur knapa í 1. deild
sé 18 ára, 19 ára á árinu. Önnur
skilyrði eru ekki varðandi þátttöku
knapa og er þetta því, að sögn
Garðars, deild sem ætti að henta
mjög breiðum hópi. Opið sé fyrir
umsóknir liða.
/sá
Garðar Hólm Birgisson.
Dagsetningar greina 2024 eru eftirfarandi:
23. febrúar V1 Fjórgangur
15. mars T2 Slaktaumatölt
28. mars Gæðingalisti
4. apríl F1 Fimmgangur
18. apríl T1 Tölt
20. apríl PP1 Gæðingaskeið og P2 100m skeið
(Birt með fyrirvara um breytingar).
Vestmannaeyjabær hefur ekki
enn gripið til gjaldheimtu vegna
afskipta af lausagöngufé. Sauðfé
hefur þó reglulega komist út úr
beitarhólfum í sumar.
Sveitarstjórn Vestmannaeyja-
bæjar samþykkti uppfærða
gjaldskrá fyrir handsömun eða
afskipti af lausagöngufé í byrjun
sumars. Brynjar Ólafsson,
framkvæmdastjóri umhverfis-
og framkvæmdasviðs, segir
ástandið hafa lagast eftir að
verðskráin var hækkuð, þó enn
sleppi fé út fyrir þau svæði sem
þeim er ætlað.
Brynjar segir að til fjölda ára
hafi lausaganga á sauðfé verið
til vandræða, sérstaklega á syðri
hluta Heimaeyjar, þar sem byggðin
er dreifðari. Í sumar voru tilfelli
þar sem sauðfé gekk laust í
þéttbýlinu. Umræða um þessi mál
hefur verið hávær í bæjarfélaginu
í undanfarið. Brynjar segir þessi
mál vera viðkvæm og því hefur
sveitarfélagið ekki enn rukkað
viðkomandi búfjáreigendur fyrir
afskipti af fénu.
Brynjar segir að þónokkrir aðilar
séu með sauðfé í Heimaey og telur
hann að lausagönguféð komi frá
litlum hluta búfjáreigendanna.
Samkvæmt matvælaráðuneytinu
voru 172 vetrarfóðraðar kindur
skráðar í Vestmannaeyjum síðastliðið
haust. Í þeim tölum er ekki tekið
sérstaklega fram hversu stór hluti er
í Heimaey eða í úteyjunum.
Samkvæmt Brynjari hefur verið
unnið að endurbótum á girðingum í
sumar og er ástandið að færast í rétta
átt. Vinsæll göngustígur liggur hins
vegar í gegnum eina girðinguna
og sleppur fé gjarnan út þegar fólk
lokar ekki hliðum. Í ljósi þessa
segir Brynjar að ekki sé hægt að
skella skuldinni á búfjáreigendurna
í öllum tilfellum. /ÁL
Heimaey:
Sauðfé sleppur út fyrir girðingar
Vestmannaeyjabær uppfærði gjaldskrá fyrir afskipti af lausagöngufé í vor.
Mynd tekin í Heimaey. Mynd / ghp
Völuteig 4 - 270 Mosfellsbær
www.vinnuvelarehf.is - S: 496 4400
Vinnslubreidd: 2,0m
Dýpt á kubbi: 1,2m
Verð kr.
án vsk.
Kr. 2.399.400 m/vsk
1.935.000
Þýsk gæði og áreiðanleiki
STRAUTMANN
STÆÐUSKERAR
Miðfjarðarbændur:
Enn ósamið um bætur
Miðfjarðarbændurnir sem standa enn í samningaviðræðum við matvælaráðuneytið um bótagreiðslur. Ari G.
Guðmundsson á Bergsstöðum, Dagbjört Diljá Einþórsdóttir og Ólafur Rúnar Ólafsson á Urriðaá og Elín Anna
Skúladóttir á Bergsstöðum. Mynd / smh
Enn er ósamið við bændur á
bæjunum Bergsstöðum og Urriðaá
í Miðfirði um bótagreiðslur vegna
niðurskurðar á hjörðum þeirra
í kjölfar riðutilfella sem voru
staðfest þar í apríl.
Samkvæmt upplýsingum sem
fengust úr matvælaráðuneytinu
standa samningaviðræður enn
yfir og nú sé unnið að útfærslum
bóta og tjónamati í samvinnu við
bændur og Matvælastofnun.
Nokkur vinna hafi farið í að
samþætta sjónarmið aðila en
niðurstöðu megi vænta á næstunni.
Förgun lokið 20. apríl

Í reglugerð um útrýmingu á riðuveiki
og bætur vegna niðurskurðar segir
að fullnaðargreiðsla fyrir felldan
fjárstofn skuli innt af hendi eigi
síðar en 45 dögum eftir að förgun
lýkur, þó eigi fyrr en 21 degi eftir
að samkomulag um bætur liggur
fyrir. Lokið var við förgun þann
20. apríl.
Í umfjöllun Bændablaðsins í maí
kom fram í viðtölum við bændurna
að þeir væru ósáttir með þær bætur
sem í boði væru, þær væru langt frá
því að geta bætt þann skaða sem
þeir hefðu orðið fyrir.
Erfitt væri að byrja upp á nýtt og
byggja upp nýjan fjárstofn miðað
við þær bætur sem þeim væru
boðnar.
Meðal þeirra fremstu
Samtals var skorið niður um 1.400
fjár á bæjunum tveimur. Bæði
bú voru meðal þeirra fremstu í
íslenskri sauðfjárrækt.
Elín Anna Skúladóttir og Ari G.
Guðmundsson keyptu Bergsstaði
um áramótin 1996 –1997, byggðu
upp sinn stofn jafnt og þétt og
voru komin með 700 fjár þegar
riðutilfelli voru staðfest á bænum.
Búreksturinn var góður á
Urriðaá áður en riða greindist í
einni kind, sem leiddi til þess að
skera þurfti niður alla hjörðina.
Það reyndist fyrsta og eina jákvæða
sýnið á Urriðaá.
Dagbjört Diljá og maður hennar
Ólafur Rúnar Ólafsson voru komin
með sjálfbæran búrekstur og þurftu
í raun ekki að vinna utan bús.
Þau höfðu á þremur árum náð
góðum árangri í sinni ræktun og
fjölgað fé um rúmlega tvö hundruð
á vetrarfóðrum á einungis þremur
árum.
/smh