Úrval - 01.01.1968, Blaðsíða 20

13
ÚRVAL
ar úr bílum úti um allar trissur á
300 metra löngum kafla.“
BREYTTAR
BARDAGAAÐFERÐIR.
30 mínútum áður hafði Passino
talið sér sigurinn algerlega vísan.
En nú skildi hann, að nú lék orðið
mikill vafi á því, að þeir myndu
bera sigur úr býtum. Hann hafði
misst 3 bíla úr keppninni, nr. 57
löngu áður og nr. 2, sem var enn
við viðgerðargryfjuna, þar sem ver-
ið var að gera við kúplinguna. „Seg-
ið Foyt að hægja ferðina og taka
umferðina á 3 mínútum og 50 sek-
úndum,“ skipaði hann. „Ef eitthvað
illt hendir hann, þá erum við ör-
uggir um að ná ekki fyrsta sæti.“
Það ríkti mikill fögnuður í gryfj-
um þeirra Ferrarimanna. Nú fylgdu
þrír rauðir Ferraribílar líkt og
hungraðir hákarlar fast á eftir Ford-
bílnum, sem hafði forystuna. Það
breiddist bros yfir andlit hans að
nýju. Hann ákvað að leggja til at-
lögu, strax og sólin kæmi upp. Ludo-
vico Scarfiotti, ökumanninum á
fremsta Ferraribílnum, var skip-
að að byrja nú að taka umferðina
á 3 mínútum og 30 sekúndum.
Scarfiotti elti Fordbílinn eins og
skugginn hans. Nú var hann alveg
fast fyrir aftan hann. Þessi eltingar-
leikur tók að þreyta ökumanninn
á Fordbílnum. En klukkan 10.10 kom
Scarfiotti með slæmar fréttir. „Ak-
brautin er öll orðin útötuð í olíu,“
sagði hann. Lini sagði Mike Parkes,
ökumanninum, sem ók bílnum á
móti Scarfiotti, að hægja aðeins
ferðina, þangað til olían á brautinni
hefði þornað.
Klukkan 11 f. h. voru 39 bílar úr
leik, en eftir voru aðeins 16, þar
af 2 Fordbílar og 2 Ferraribíiar.
Lini vissi ekki, að Passino hafði
skipað ökumanninum á fremsta
Fordbílnum að hægja allmikið ferð-
ina, og því hélt hann, að það væri
eitthvað að bílnum. „Við verðum á
undan,“ sagði hann um hádegið.
ÁRANGURSLAUS VIÐLEITNI.
Nú stanzaði Parkes, og Scarfiotti
tók við stjórninni. Undanfarinn
klukkutíma hafði hann verið nudd-
aður, en hann var náfölur og titr-
andi af taugaáreyslu og þreytu. Nú
var Fordbíllinn ekki 7 umferðum á
undan heldur aðeins rúmum fjórum,
en það tók meira en 12 mínútur að
fara 4 umferðir. Scarfiotti yrði því
að ljúka umferðinni á minna en 3
mínútum og 30 sekúndum, ætti hann
að hafa nokkurn möguleika á því
að ná Fordbílnum. Lini sagði hon-
um að reyna þetta.
Klukkan 2 var Fordbíllinn aðeins
tæpum 4 umferðum á undan. Nú
tók Mike Parkes við stjórninni af
Scarfiotti, sem slengdi sér úttaugað-
ur í stól. Hann var of þreyttur til
þess að láta sig það einhverju skipta,
hvað væri að gerast. Nokkrum mín-
útum síðar var fremsta Fordbíln-
um ekið upp að gryfju sinni. Og
þá kom upp algerlega órökstuddur
orðrómur á áhorfendapöllum þeirra
Ferrarimanna. „Hann er bilaður!"
hafði einhver hrópað, og það nægði
til þess að koma orðrómnum af stað.
En hann var alls ekki bilaður, og
brátt tóku stoppúrin að segja nýja
sögu. Hinn ofboðslegi hraði Ferr-
ariökumannanna var farinn að segja