Úrval - 01.01.1968, Page 39
MUN RÍSA MANNABYGGÐ Á TUNGLINU?
37
Nýlenda á tunglinu.
ekki er víst að það nái nema til
yfirborðsins, að nóg sé af vatni neð-
ar. Vatn er svo mikill þáttur efnis
hvar sem er í heimi þessum (að
svo miklu leyti sem um hann er
kunnugt), að réttmætt má virðast
að halda að tunglið eigi eitthvað til
af þessu dýrmæta efni.
Líklega er til tunglvatn, ef til vill
gaddfrosið í djúpum gjótum. Niðri
í tunglsverðinum má ætla að vatn
sé frosið í tauma, og megi vinna
það eins og kol eru unnin hér.
En bregðist þetta, og ekkert vatn
finnst, kynni að mega notast við
vatnsmólikúl, sem án efa eru laus-
tengd málmgrýti því sem tungl-
skorpan er gerð úr. En varla mundi
vatnið á tunglinu nægja vel þeim
milljörðixm manna hér á jörð, sem
vanir eru að bruðla með vatn, eins
og þeir haldi að það muni aldrei
þrjóta, og óhreinka það svo eftir
geðþótta sínum. Samt ætti það vel
að duga fámennri nýlendu, jafnvel
nokkrum þúsundum, ef þess væri
gætt að fara sparlega með það og
þrifalega.