Úrval - 01.03.1971, Blaðsíða 34
32
ÚRVAL
„Hvers vegna“?
„Vegna þeirrar ástæðu, sem þér
nefnduð, herra“.
„Ég nefndi enga ástæðu. Ég spurði
spurninga. Standið á eigin fótum,
maður, og takið sjálfur afstöðu! Ég
spurði yður: „Hvers vegna“?
„Nú, vegna þess að tilboðið var
dregið tilbaka í símskeyti, var ekk-
ert til þess að samþykkja lengur".
,,Og hvaðan hafið þér þá hug-
mynd? Ef ég ber fram tillögu og
þér samþykkið hana, hefur þá ekki
orðið um gagnkvæmt samkomulag
á milli okkar að ræða á því augna-
bliki, er þér samþykktuð tilboð
mitt? Þar að auki var samþykki B
ekki aðeins vitundarlegs eðlis, held-
ur skriflegt, og hann setti þetta
skriflega samþykki sitt í póst, þann-
ig að hann hafði ekki lengur vald
á því. Gerir það engan mun“?
„Jú, herra, kannske mundi það
gera einhvern mun“.
„Kannske? Það mundi gera mun,
er það ekki“? Spurningin, sem hin
hljómmikla rödd bar nú fram, var
svo snögg, að það var eins og fall-
byssuskot hefði kveðið við í saln-
um.
„Jú, herra, það er rétt“.
Terry prófessor starði um hríð
á Thomas og sneri sér svo að ein-
um stúdent. „Herra McGraw, sjón-
armiði hvors þeirra eruð þér nú
samþykkur, þ.e. endanlegu svari
herra Nizers eða endanlegu svari
herra Thomas".
,,Ég held, að það hafi þegar ver-
ið um samning að ræða, þegar B
setti skriflegt samþykki sitt í póst.
Ekkert, sem gerist þar á eftir, getur
breytt þeiT-ri staðreynd".
„Jæja, getur ekkert breytt henni“?
spurði Terry prófessor. Það mátti
nú greinilega sjá glampa á rauða
slímhúðina innan á neðri vör hans.
„En gerum nú ráð fyrir því, að
B hringi í A, eftir að hann hefur
sett skriflegt samþykki sitt í póst-
inn, og segi: „Ég hef ákveðið að
kaupa ekki bílinn yðar. Gjörið svo
vel að taka því ekkert mark á bréfi
því, sem þér munuð brátt móttaka
frá mér‘. Er þá samt um gildan
kaupsamning að ræða“?
„Já, herra“.
Nú var sem birti yfir andliti
Terrys prófessors, og gaf það til
kynna, að hann hefði þegar opnað
gildruna: „En gerum nú ráð fyrir,
að A selji C bílinn sinn. Getur B
hafið málssókn gegn honum fyrir
samningsrof1?
„Ja... .“ Og herra McGraw skipti
að síðustu einnig um skoðun.
Það skipti engu máli, hvaða af-
stöðu næsti stúdent tók í málinu.
Hann var einnig hundeltur af sama
miskunnarleysinu. Loks kom það
fram, að svör okkar allra reyndust
vera rétt. Lög sumra fylkjanna
fylgja einni reglunni, en sumra
annarri. Það, sem álitinn væri full-
gildur kaupsamningur í Massachu-
settsfylki, mundi ekki vera álitinn
vera það í New Yorkfylki. Okkur
lærðist því í allra fyrstu kennslu-
stund okkar, að lögin væru ekki
raunvísindagrein, heldur væri þar
um að ræða heimspekilega viðleitni
til þess að viðhalda siðferðislög-
málum og fara eftir þeim. Og rök-
vísin, sem stuðzt var við í þeirri
viðleitni, var ekki óskeikul eða ó-
hrekjanleg.