Úrval - 01.03.1971, Page 63
VÍSBENDING FRÁ LÁTNUM
61
„Sýnið mér föt hins látna,“ sagði
dr. Helpern, þegar honum var falið
þetta mál. Maðurinn hafði verið í
jakka, skyrtu og nærbol. Gat var
eftir skotið framan á öllum flíkun-
um, en aftan á var aðeins skotgat
á nærbolnum. Eftir að kúlan hafði
farið í gegnum líkama hins myrta
var krafturinn ekki nægilega mik-
ill til að bora gat á hinar flíkurn-
ar. Því hafði kúlan farið út um
bakið. Þetta studdi þau orð sonar-
ins, að hann hefði skotið í sjálfs-
vörn og honum var sleppt. Þetta
vandamál leystist því auðveldlega,
þegar einhver hafði augun opin.
En það er ekki alltaf svona auð-
velt. Það var komið með meðvit-
undarlausan mann á sjúkrahús í
New York og þar dó hann án þess
að komast til meðvitundar átta dög-
um seinna. Dr. Helpern krufði
manninn, þar sem dauðaorsökin
var ókunn. Hann fann ummerki um
heilablæðingu og heilahimnubólgu,
en ekkert sem tengdi þetta saman.
Það kom fram við yfirheyrslur
lögreglunnar, að látni maðurinn
hafði rifizt við unnustu sína og að
hún hafði í reiði sinni stungið hann
í augað með litlu skrúfjárni. Dr.
Helpern skoðaði aftur augnalok
hins látna og nú fann hann örlítið
sár, sem hefur verið tíu daga gam-
alt, þegar maðurinn lézt. Skrúf-
járnið hafði stungizt inn um höfuð-
kúpuna rétt við gagnaugað og or-
sakað blæðingu, sem sennilega hef-
ur ekki fundizt fyrir fyrr en mað-
urinn fékk fáum dögum seinna
heilahimnubólgu, sem leiddi hann
til dauða.
NÁLARSTUNGA
Dr. Helpern segir að eitthvert
dularfyllsta mál, sem hann hefur
leyst hafi verið margir malaríu-
sjúklingar í New York. Þar að auki
kom sjúkdómurinn upp um vetur-
inn, þegar engar mýflugur voru til
að bera hann og margir menn lét-
ust, þótt þeir hefðu aldrei komið
á malaríusvæðin í hitabeltinu.
Lausnin fannst á krufningaborð-
inu. Allir þeir, sem létust voru með
ör eftir sprautur. Þeir voru eitur-
lyfjaneytendur, sem notuðu sömu
sprautuna og meðal þeirra hefur
verið einhver, sem hafði smitazt af
malaríu í hitabeltinu.
Réttarlæknisfræðileg deild New
York lögreglunnar er í átta hæða
húsi og þar ræður dr. Helpern yfir
130 manns. Eiturdeildinni stjórnar
dr. Charles Umberger, en sú deild
er einhver bezt búin tækjum af
öllum slíkum í heiminum og hefur
haft mikil áhrif í mörgum frægum
glæpamálum, meðal annars mál-
inu gegn dr. Carl Coppolino. Lækn-
irinn skrifaði í dánarvottorð konu
sinnar, að hún hefði látizt „af blóð-
tappa í hjarta", en seinna vaknaði
grunur um, að henni hefði verið
byrlað eitur.
Líkið var grafið upp og dr. Help-
ern krufði konuna. Hann fann
sprautumerki á vinstri rasskinn og
spor í vefjunum þar um sprautu-
gjöf. Hann sá einnig að bæði hjarta
konunnar og önnur líffæri höfðu
verið hraust. Þá fékk dr. Umberg-
er líffæri og vefi til rannsóknar og
fyrirmæli um að leita að ummerkj-
um um eitur — en það er eitthvert