Goðasteinn - 01.06.1975, Page 21

Ágrip ættar- og ævisögu
prestsins J.J. Austmanns
Jón Jónsson Austmann er fæddur á Lyngum í Meðallandi í
Vestur-Skaptafellssýslu 13. maímánaðar, 1787 og var skírður
samdægurs. Foreldrar hans vóru þáverandi sóknarprestur til Meðal-
landsþinga, Jón Jónsson, og Guðný Jónsdóttir. Faðir hans var
alkunnur merkismaður, lögréttumaður Jón Runólfsson sjálfseignar-
maður, og kona hans, Guðrún Hallgrímsdóttir, sem allan sinn
búskap bjuggu á Höfðabrekku í Mýrdal, hvar hann deyði sama
dag og ég var fæddur, en hún nokkru seinna hjá syni sínum (föður
mínum), séra Jóni Jónssyni á Lyngum. Þeirra börn vóru prest-
arnir séra Jón faðir minn og séra Runólfur, er seinast var prestur
á Stokkalæk á Rangárvöllum.
Börn föður míns vóru: 1. Guðrún, giptist Jóni hreppstjóra
Eyjólfssyni, syni séra Eyjólfs Teitssonar í Álptafirði. 2. Séra Jón
Austmann, giptur Þórdísi Magnúsdóttur, varð með henni 9 barna
auðið. 3. Páll bóndi í Arnardrangi í Landbroti, á fjölda barna.
4. Þórunn, fyrrum gipt Brynjúlfi hreppstjóra Eiríkssyni, prests
Rafnkelssonar, bjuggu á Bæ í Lóni, en hann drukknaði af hákarla-
skipi. Þau áttu einnig mörg börn. 5. Pálmi, lærði snikkaraiðn í
Kaupmannahöfn og bjó lengi í Reykjavík. Seinna bjó hann á eign-
arjörð sinni, Álptagróf í Mýrdal. Dó blindur.
Faðir móður minnar var séra Jón prófastur Steingrímsson á
K.irkjubæjarklaustri, dáinn 1791, er var móðurbróðir Steingríms
biskups og föðurbróðir Bjarna konferensráðs Thorsteinssonar.
Kona hans (amma mín) var sú ættgöfga höfðingskona Þórunn
Hannesdóttir, dótturdóttir Steins biskups.
Á áðurnefndum Lyngum ólst ég upp hjá foreldrum mínum um
hríð, utan hvað mér þann 8. og 9. vetur aldurs míns var góður
Goðasteinn
19