Goðasteinn - 01.06.1975, Síða 42

ær, með fjórum hrútum, sauðir 100, gemlingar 70, 6 kýr, 26
hross, 3 geldtappar, og ætíð voru heyfyrningar hjá fóstra mínum.
Þá er að minnast á fáum orðum, þar sem við var skilið, með
róðrana hjá Sigmundi gamla. Árið eptir var ég í Inngarðinum og
fékk þann besta hlut, er ég hef á æfi minni fengið, 590 fiska, hjá
Skapta Jóhannessyni á Hrakkalsstöðum (Hrafnkelsstöðum) og
árið eptir hjá þeim sama. Vorið næsta fór ég burtu frá Tungu til
Þórarins bróðir og Ingunnar Magnúsdóttur frá Syðra-Langholti í
Ytrihrepp. Ég hlaut mikið gott af þessari ferð til bróðir míns.
Þegar ég var búinn að vera þarna hjá þeim ekki fullt ár, vildi
ég aptur til fóstra míns, en hann vildi ekki þiggja boðið, og var
það eitthvað af því besta, sem hann gat mér gert alla okkar sam-
verutíð, því hefði fóstri minn tekið mig til sín, hefði ég ekkert
gott af ferðinni hlotið til bróður míns. En það var öðru nær en
svo yrði, og ég hlaut óumræðilega mikið gott af þessari ferð.
Þegar ég var búinn að vera rúmlega árið hjá bróður mínum,
var ég látinn róa á Eyrarbakka og aflaði heldur lítið en þó so, að
það varð á hest og fór so heim að Götu; þar átti bróðir minn
heima. Ég mætti missvefni í ferðinni, sem ég hef ætíð verið slæm-
ur að þola, og eins var í þetta sinn. Þegar ég kom upp að Götu,
átti ég að vinna þar við móupptekt, en mig langaði svo að leggja
mig en mátti ekki, þar ég átti að vera að vinna. Mér fannst, eins
og var, ég stríða óvenju mikið við að sofa ekki, þar til ég þurfti
ekki lengur að hafa fyrir því, því ég gat ekki sofnað og varð þegar
brjálaður. Má nú nærri geta, hvernig fór, ég var þá til og frá um
alla bæ.i, sem ég var áður og ætíð mjög frá sneiddur. Var ég þá
spurður, hvort ekki ætti að slá mér eina æð. Ég þáði þennan gamla
vana en mér þó jafn óhollan, því blóðtökur allar yfir höfuð voru
mér í heild sinni mjög óþarfar. Þær voru því aðeins við hafðar,
ekki af illu heldur þekkingarleysi. Ég hef aldrei mátt við að missa
þann m.ikla dýrgrip, sem var mitt góða og alveg óspillta blóð.
Varð ég að verða af með það 9 sinnum. Mér hefur því orðið að
orði, að menn fóru að reyna að skapa mig upp, en það tókst
greinilega uppá það allra versta, sem ég hef þó orðið allt að þola
með þögn og þolinmæði.
Þetta, sem hér er talið, hefur á mig verið lagt og ég ekki á
40
Goðastemn