Goðasteinn - 01.06.1975, Page 56

að þvo sér úr lækjarsprænu uppum andlitið, því þetta var þá
drykkjumaður í meira lagi ef ekki í mesta lagi. Þekkti ég þennan
mann langtum fyrri. Þetta var Magnús Benediktsson, og átti hann
heima á Akureyri. Spyr hann mig þá að, hvort ég vildi ekki verða
vinnumaður í Grímsey hjá séra Pétri. Sagðist ég mundi gera það.
Spurði ég hann þá að, hvar ég ætti að vera, þar til Grímseying-
ar kæmu úr eyjunni, en þeirra var von í 15. viku surnars. Sagði
Magnús ég skyldi fara uppí Lögmannshlíð og mundi ég fá þar
vinnu. Þegar ég so þangað kom, stóð það heima. Var ég so þar í
mánaðartíma, 12 krónur um vikuna.
Fram af þessu fóru so grímseyingar að koma úr eynni. Fann ég
so prestinn að máli. Það varð úr, að ég varð vinnumaður hjá
presti. Fékk ég nú sjálfur þetta kaup, er ég áður fékk í Lögmanns-
hlíð, er var um 40 krónur. Nú var farið á stað til Grímseyjar en
þó ekki fyrr en þeirra úttekt var afriðin í kaupstaðnum, sem stóð
yfir ekki minna en 3 daga. Undir nóttina var nú lagt á stað og
allan daginn eptir og að nótt til Grímseyjar.
Strax þótti mér bygging í Grímsey mikið lakari en í landi,
gat ekki heitið eins góð sem góð fjárhús í landi. Þcgar ég kom útí
eyjuna, var búið að slá tvær dagstundir í 16. viku sumars, í túnum,
ef tún skyldi kalla, því þetta var sú vandræða sneggja, sem engu
tali tók, því áburðarlaust var og engin kýrin til, sem aukið gæti
áburðinn. Við vorum sokölluð þrjú að slá tún þetta í þrjár vikur,
vinnukona prests, vinnumaður hans um tvítugt, og kunni hann
ekki að slá, skar alla jörðina af kunnáttuleysi. Sá þriðji var ég.
Enginn rakaði meðan verið var að slá þennan jarðskafa, nema
lítið eitt móðir vinnukonunnar. En þegar lokið var slættinum, þá
fyrst fóru prestshjónin að raka. Öll þessi handtök voru af þeim,
sem fyrir áttu að ráða, mikið lakari en í landi. Var þessi sokallaði
heyskapur látinn samt í heyhlöðu.
í Grímsey var í 18. viku sumars sigið í fýlungs unga, sem er
mestur allra fugla í Grímsey. Sagt hefur Árni Þorkelsson, sem
lengi var búinn að vera á eyjunni, að væri ekki fýlsunginn til, væri
eyjan tæplega byggileg. Samt er besta fiskirí á eyju þessari,
helst á sumrin og haustin í Grímsey var ég og so líka til hákalla,
fengu grímseyingar langminnstan afla móti landsmönnum og fóru
54
Goðasteinn