Goðasteinn - 01.06.1975, Side 88

grein um málið. Grein þessa skrifaði hann fyrst á dönsku, en síðar
kom hún á íslensku í Ármanni á Alþingi. Hann leiddi ljós rök að
því að íslendingar gætu lítt notið sín á dönsku þingi sakir þess
hve staðhættir væru ólíkir í löndunum. Einnig mundu íslenskir
fulltrúar eiga erfitt með að tjá sig um þarfir þjóðar sinnar á
framandi máli, sem þcim væri ekki tamt að nota. Átti hann þar
einkum við bændurna, sem voru raunar eina stéttin í landinu, og
án þátttöku þeirra væri ekki hægt að fá sanna mynd af íslensku
þjóðfélagi. Hann lagði því eindregið til að stofnað yrði sérstakt
þing á íslandi og að það yrði haldið á Þingvöllum. Fulltrúar á
þessu þingi skyldu vera 30 að tölu og kosningaréttur bundinn við
nokkur efni eða háskólapróf. Átti þing þetta svo sem þingin í
Danmörk aðeins að vera ráðgefandi og konungi til aðstoðar við
stjórn landsins. Þessari grcin Baldvins var allvel tekið í Danmörku
og naut málflutningur hans nokkurs skilnings og samúðar margra
mætra manna þar í landi. Ekki var þó farið eftir tillögum hans í
þessu efni, því að um síðir var það konungur sjálfur, sem tilnefndi
þrjá íslenska fulltrúa til að sitja á þingi Eydana, er það tók til
starfaa. En svo mikils álits naut Baldvin að upp frá þessu fékk
hann nokkurn styrk úr konungssjóði til útgáfu tímarits síns.
Ármann á Alþingi vakti að vonum mikla athygli hér heima
Þótti hann hressilega skrifaður og nokkuð gustmikill. Þeir sem
efla vildu frelsi og framfarir í landinu, studdu ritið af alhug og
fögnuðu því en kyrrstöðumenn voru því andsnúnir og töldu óvið-
eigandi að próflaust embættismannsefni þættist þess umkomið að
gefa landstjórninni og þjóðinni ráð og ábendingar. En miklu
stærri mun þó sá hópur hafa verið, er fagnaði tilkomu Ármanns
á Alþingi og studdi stefnu Baldvins um að efla manndóm og
framfarir í landinu. Tímarit hans bætti líka úr brýnni þörf, því
að Klausturpóstur Magnúsar Stephensens hafði hætt að koma út
árið 1826, og tímaritið Skírnir, sem hóf göngu sína 1827 og birti
aðallega erlend fréttayf.irlit, fullnægði ekki nema að litlu leyti
þörf landsmanna fyrir þjóðlegt rit, er fjallaði á alþýðlegan hátt um
innlent efni og raunverulegar þarfir þjóðarinnar. Einnig var rit
Baldvins skrifað á hressilegu og snjöllu máli og tók þar fram
Klausturpóstinum og ýmsu öðru, sem fólk las um þessar mundir.
86
Goðasteinn