Goðasteinn - 01.06.1975, Qupperneq 91

]ón R. Hjálmarsson:
Nýtt sæluhús
við Fimmvörðuháls
Fjallvegurinn frá Skógum undir Eyjafjöllum norður yfir Fimm-
vörðuháls og niður í Þórsmörk er næsta hrikalegur og ekki á allra
færi. En það jók mjög á öryggi ferðamanna á þessari leið, þegar
félagið Fjallamenn undir forystu Guðmundar Einarssonar frá
Miðdal reisti myndarlegt sæluhús á suðurbrún háfjallsins árið
1940. FIús þetta var talsvert mikið notað um áratugaskeið og
reyndist vel í alla staði. En sakir þess, hversu hátt það stendur
og áveðurs, hcfur það mjög látið ásjá á síðustu árum og er nú
orðið afar hrörlegt.
Flugbjörgunarsveitin í Austur-Eyjafjallahreppi hefur alltaf sýnt
mikinn áhuga á öryggismálum ferðamanna á þessum slóðum.
Hún beitti sér fyrir lagningu bílvegar inn Skógaheiði upp úr 1960
og hefur einnig stikað leiðina norður yfir hálsinn. Þá hjuggu nokk-
rir félagar úr björgunarsveitinni einstigi niður móbergsgil eitt rétt
fyrir vestan Heljarkamb á Goðalandi, svo að þar með varð allvel
hestfært u.m þessa leið yfir í Þórsmörk.
En mesta afrek Flugbjörgunarsveitarinnar á þessum vettvangi
var þó að smíða nýtt sæluhús síðsumars árið 1974 í stað gamla
skálans, er varla hélt orðið vatni og vindi. Nýi skálinn er r.ishús,
um 42 flatarmetrar að grunnmáli og með rúmgóðu svefnlofti.
Honum var valinn staður á melhrygg einum innst í svo nefndum
Landnorðurstungum skammt fyrir sunnan gamla húsið og allmiklu
neðar. Stendur nýja húsið í um það bil 900 metra hæð yfir sjó,
en það gamla er í meira en 1000 metra hæð. í þessu nýja húsi
er eidunaraðstaða, borð og bekkir og allmikið af rúmdýnum, svo
Goðasteinn
89