Goðasteinn - 01.09.2007, Qupperneq 18

Goðasteinn 2007
frumstæður búskapur á þeim tíma eða upp úr 1952, ekkert rafmagn í Norður-
árdalnum og yfir Norðurá að fara með mjólkina og þegar þurfti að bregða sér af
bæ. Það var oft erfitt yfir veturinn.
Ég fór fljótlega yfir sumarið að fara með mjólkurbrúsana á hestvagni eða kerru
yfir ána og upp á veg. Brúsapallurinn var sameiginlegur með Dýrastöðum og beið
ég eftir mjólkurbílnum til að fá tómu brúsana og láta bílstjórann lyfta fullu
brúsunum af kerrunni. Það eru góðar minningar um að sitja í hestakerrunni og
stýra hestinum og fara yfir ána. Það var lítið um dráttarvélar fyrstu árin og þá
kynntist ég því að raka með hestarakstrarvél og snúningsvél. Svo var keyptur nýr
Ferguson og það breytti miklu en hestarnir voru notaðir áfram til að snúa og raka
en traktorinn til að slá og taka heyið saman og keyra það heim.
Um 1960 fluttu foreldrar mínir að Hamrendum í Stafholtstungum en þar var
stærri jörð og auðveldara að búa, rafmagn og betri samgöngur og vélakostur meiri.
Ég fór í fyrstu leitir 14 ára og var fyrsti kvenmaðurinn, ásamt vinkonu minni
sem er nokkrum árum eldri, til að fara fyrir Stafholtstungur á Holtavörðuheiði.
Þar vorum við á Hótel Fornahvamnú og síðan var heiðin smöluð og rekið niður í
Þverárrétt. Þetta tók 3-4 daga.
Foreldrar mínir fluttu suður um 1966 en ég var ósátt við að yfirgefa sveitina og
Heklci. Vatnslitamynd.
16