Goðasteinn - 01.09.2007, Qupperneq 94

Goðasteinn 2007
Lagði ég að loknum kvöldverði af stað upp í Fljótshlíð. Var hestur minn
viljugur og gekk ferðin vel að Ormskoti. Dvaldi ég þar til hádegis næsta dags í
góðu yfirlæti og hélt svo af stað inn að Fljótsdal til móts við félaga mína. Hest
fékk ég ágætan til Þórsmerkurfararinnar. Hét sá Gauti og var þýðgengur mjög og
vatnahestur góður. Vorum við gamlir kunningjar. Ég hafði verið í Ormskoti nokk-
ur sumur, áður en þessi ferð var farin. Ég lét Gauta rölta í hægðum sínum eftir
veginum inn að Fljótsdal því ekkert lá á. Gafst mér gott tóm til að virða fyrir mér
bæina í Fljótshlíðinni og rifja upp nöfn þeirra. í Fljótsdal dvaldi ég til kvölds en þá
komu félagar mínir og Ragnar ásamt Jóni pósti frá Tjörnum, sem hafði fylgt þeim
upp yfir Þverá.
Jón Ulfarsson í Fljótsdal gerðist leiðsögumaður okkar inn á Þórsmörk og gekk
ferðin þangað greiðlega því lítið var í ánum þennan dag. Slógum við tjaldi okkar
upp í Húsadal við lítinn læk og var þá komið að miðnætti. Hvílík kyrrð og friður,
hvílfk fegurð í faðmi hinna hrjóstrugu jökla. Engin orð fá lýst þeim tilfinningum
er brutust um í sál minni þessa unaðsfögru júlínótt. Það var farið seint að sofa og
sofið lengi frameftir. Enginn okkar skátanna hafði fyrr séð skóg. Við teyguðum að
okkur heilnæmt fjallaloftið þrungið angandi bjarkarilm. Næsta dag var farið að
skoða sig um í Mörkinni en seinni hluta dagsins hvíldum við okkur og sleiktum
sólskinið, því alltaf var sama veðurblíðan. Dvöldum við í Þórsmörk í þrjá sólar-
hringa og skoðuðum alla fegurstu staðina þar og gengum á Valahnjúk og Rjúpna-
fell. Við sátum á kvöldin við varðeldinn og sungum, sögðum sögur og fórum í
leiki. Liðu dagarnir fyrr en varði og á fjórða degi kom Jón með hestana að sækja
okkur. Ferðin yfir árnar gekk ágætlega og kvöddum við Jón í Múlakoti. Þar
stigum við í bifreið og var lagt af stað til Reykjavíkur eftir að hafa þegið góð-
gerðir og skoðað blómagarð Guðbjargar húsfreyju. Fannst okkur mikið til um
fegurð hans.
Við Garðsauka í Hvolhreppi var bifreiðin stöðvuð og okkur sagt að ekki yrði
ekið lengra þann daginn. Bjuggumst við þá til að slá upp tjaldi okkar en bifreiða-
stjórinn sagði okkur að BSR ætti þarna ágætan skúr sem væri með smáeldhúsi og
kojum og væri okkur heimilt að dvelja þar um nóttina. Næsta dag myndi annar
bifreiðastjóri aka okkur til Reykjavíkur. Þegar við höfðum komið okkur sæmilega
fyrir í skúrnum fórum við að malla kvöldmat. Lá vel á okkur. Kvöldinu eyddum
við með alls konar leikjum, söng og sögum.
Um miðja nótt hrukkum við upp við það, að maður ruddist inn á okkur og kall-
aði „Hver fjandinn, fullt af fólki hér“. Var þar kominn bifreiðastjórinn, sem átti að
aka okkur til Reykjavíkur. Hét sá Bergur og var gleðimaður mikill og síðar
landsfrægur bifreiðastjóri. Var hitað kakó handa Bergi og átti síðan að leggjast til
svefns en það gekk illa. Allir voru tilbúnir í alls konar strákapör. Hafði hin smit-
andi kæti bifreiðastjórans slík áhrif á okkur. Loks var sofnað og sváfum við víst
92