Goðasteinn - 01.09.2007, Síða 96

Goðasteinn 2007
Pálína Guðjónsdóttir, Berjanesi
Minnisstætt ferðalag
Það mun hafa verið í mars eða apríl 1945 að ég þurfti að fara til Reykjavíkur.
Þá voru einkabílar á heimilum nær óþekktir og áætlunarferðir mjög takmarkaðar.
Mjólkurbflarnir komu alltaf reglulega og fólk sem þurfti eitthvað að fara notaði þá
mjög mikið.
Þá og lengi bæði fyrr og síðar keyrði vinur okkar Olafur Jónsson í Eylandi
mjólkurbíl og var mjög greiðugur að leysa vanda allra eftir bestu getu. Kvöldið
áður en ég ætlaði að fara. fór ég til hans að spyrja um færðina og tryggja mér far.
Ólafur sagði að færðin væri eins og á sumardegi og farið væri velkomið.
Ekki er að orðlengja það að ég dreif mig með honum, þá var frostlaust, logn og
snjólaus jörð. Þegar við komum út í Flóa fór að snjóa en var logn áfram og
frostlaust.
Þegar við komum út að Tryggvaskála komst ég strax í rútu með Arna Jónssyni
frá Lækjarbotnum á Landi sem var að fara til Reykjavíkur. Hann fór fljótlega af
stað en þegar hann var kominn skammt vestur fyrir Ölfusá var kominn svo mikill
bylur að hann sneri við niður að Tryggvaskála aftur. Þetta var rétt um hádegisbil.
Um kl. 3 slotaði veðrinu eitthvað. Þá lögðu af stað tíu bílar í lest áleiðis suður
og var Árni aftastur í lestinni. Þetta gekk nokkuð vel en þegar kom út á miðja
Hellisheiði var svo mikill snjór að lengra varð ekki komist fyrir snjó. Þeir áttu von
á snjóýtu á móti sér. Þá var logn og smá rigningarúði.
í bflnum sem ég var í var eitthvað af fólki en ég kannaðist ekki við neinn nema
Guðrúnu Kristinsdóttur í Skarði og Valtý Bjarnason frá Meiri-Tungu. Hann hefur
sennilega verið við læknanám í Reykjavík. Valtýr og annar ungur maður fóru og
ætluðu að ganga á móti ýtunni sem dróst eitthvað að kæmi. Bflstjóramir virtust
vera svo sallarólegir að okkur fannst nóg um. Ég man að Guðrún Kristinsdóttir
sagði: „Þetta eru nú meiri jólasveinarnir!“ Henni ofbauð svo hvað karlarnir tóku
þessu rólega.
Þarna vorum við til kl. 6 um kvöldið. Þá var eins og hendi væri veifað að hann
skall allt í einu á með norðanstormi með frosti og blindbyl. Árni var eins og ég
94