Goðasteinn - 01.09.2007, Qupperneq 136

Goðasteinn 2007
Byggingarlóðir og vatnsveitur
Fleira þarf til búsetu en að fá lóðir og byggja hús. Vatn þurfti að leiða til
húsanna og af því að Rangárvallasýsla átti Stórólfshvol og næstu jarðir fóru slíkar
beiðnir fyrir sýslunefnd. Króktúnslind varð fyrir valinu sem vatnsból en til
framkvæmdanna þurfti sýslan að taka lán. Margir fundir voru haldnir vegna
málsins og ekki mikill áhugi sýslunefndarmanna fyrir aukinni byggð í Vellinum.
A einum sýslunefndarfundinum voru tveir nefndarmenn sem greiddu atkvæði
gegn framkvæmdinni.
1933 var byggður kaupfélagsstjórabústaður sem nefndur var Arnarhvoll. Þetta
var þriggja hæða hús, kjallari með tveimur herbergjum og þvottahúsi, fimm
tröppur voru að eldhúsdyrum og snyrting fyrir allt húsið til hægri handar. Inn af
eldhúsinu var borðstofan og úr borðstofunni gengið inn í stofu kaupfélagsstjórans
og úr stofunni gengið inn í lítið herbergi sem lá að ganginum. Aðaldyr hússins
voru mót vestri og stiginn upp á loftið. Á loftinu var eitt stórt herbergi á móti suðri
og annað lítið móti norðri. Milli herbergjanna var baðherbergi sem reyndar var
lítið notað vegna vatnsskorts.
Nokkru seinna byggði fyrsti bifreiðastjóri Kaupfélagsins, Sigurður Svein-
björnsson frá Torfastöðum í Fljótshlíð, hús sitt sem hann nefndi Litla-Flvol.
Seinna var þetta hús flutt inn á Þórsmörk og nefnt Merkursel.
Árið 1934 var fundur haldinn í bygginganefnd. Fyrir lá bréf frá Rakel Ólafs-
dóttur veitingakonu. Hún sótti um lóð fyrir veitingaskála á vegamótum þjóðvegar
og Fljótshlíðarvegar en nefndin sá sér ekki fært undir neinum kringumstæðum að
binda fleiri lóðir í Stórólfshvolslandi. Þvílík þröngsýni! Ég veit að þessi lóð er enn
óbyggð en fengur hefði verið að fá þessa konu í byggðalagið.
Árið 1936 var svo gengið frá lóðasamningi fyrir Póst og síma. Árið 1937
byggði ísleifur Einarsson frá Miðey sér hús og nefndi Ingólfshvol og svo árið
1938 reisti Björn Fr. Björnsson sér íbúðar- og embættisbústað austan og norðan
við þessa byggð, þegar hann flutti sýslumannsembættið ofan frá Gunnarsholti
niður í Hvolsvöll. Hann eygði hér framtíðarstað.
Fyrstu þrjú stríðsárin var allt með kyrrum kjörum í Hvolsvelli en vorið 1942
kom fjörkippur í uppbygginguna. Það ár var símstöðvarhúsið byggt. Þetta sumar
voru þrjú hús byggð við gamla Fljótshlíðarveginn eins og Hvolsvegurinn var þá
nefndur. Erlingur Dagsson byggði tvíbýlishús sem lengi var nefnt Erlingshús.
Guðjón Jónsson frá Torfastöðum byggði sér íbúðarhús og nefndi Hlíð en nafnið
festist ekki við til frambúðar. Svo byggði ísleifur Sveinsson frá Miðkoti sér hús og
flutti efniviðinn úr gamla bænum sínum í Fljótshlíðinni út í Hvolsvöll. Það hús
gengur enn undir nafninu Ömmubær. Þau hjónin Ingibjörg og Isleifur komu með
134