Goðasteinn - 01.09.2007, Side 174

Goðasteinn 2007
12. ágúst. í dag, kl. 16:02 eftir þvf sem ég segi, en 16:05 eftir útvarpinu fannst
allsnarpur jarðskjálftakippur. Eg var þá staddur í Svínhaga. Utvarpið flytur þá
fregn að öskugos hafi verið í morgun.
Erindi mitt að Svínhaga var eflaust að flytja póstinn sem berast skyldi þangað
og á bœina uppi í Krók. Jóhanna Helgadóttir hafði þá biíið í áratugi í Svínhaga.
Hún var ekkja en með henni bjuggu börn hennar uppkomin, Helgi, Oskar, Asgeir
og Guðbjörg. Helgi og Oskar voru einhvers staðar úti við eða kannski ekki heima
meðan ég stóð við.
Þegar skjálftinn reið yfir sat ég vestanmegin í baðstofunni við borð undir
glugganum á suðurstafni hennar og gæddi mér á mjólk og kökum. Asgeir sem
alltaf var kallaður Geiri sat rétt hjá mér á rúmi undir vestursúðinni. Jóhanna
móðir hans sat beint á móti honum á rúmi sínu við austurvegginn. Guðbjörg stóð í
dyrunum á eldhúsinu sem var aftur af baðstofunni og skaut einhverju orði inn í
samtal okkar Geira en á þessum bæ var siður að halda uppi samrœðum um alls
konar efni við smávaxna gesti engu síður en þá sem stærri voru og eldri. Skyndi-
lega kipptist bærinn harkalega til og við Geiri rukum báðir áfætur. Eg hafði litið
til Guðbjargar um leið og hún varp á mig orði og sá að hún greip báðum höndum
í dyrastafina og svo varð mér litið á Jóhönnu þar sem hún sat beint á móti mér.
Hún var biluð í mjöðmum og gat ekki staðið upp og eftir á velti ég því stundum
fyrir mér hvort henni hefði virkilega ekki brugðið neitt við þennan harða kipp en
það gat ég ekki séð á henni. Eg man ekki eftir að hún eða systkinin segðu neitt
sérstakt um jarðaskjálftann og Geiri hélt áfram að rabba um það sem frá var
horfið.
26. ágúst. í gærkvöldi og í fyrrakvöld sást eldur í Heklu. Um daginn flutu
partar úr sumum flekkjum hér í girðingunni. Það hefur ekki komið áður fyrir í þau
17 ár sem pabbi hefur búið hér.
30. sept. Lengjast taka nú bilin milli þess er ég skrifa í bókina. í morgun um kl.
8:45 fannst dálítill jarðskjálftakippur.
4. okt. í morgun kl. 7:42 fannst smár jarðskjálftakippur. Annar fannst þegar
klukkan var að verða hálf eitt eftir hádegi. Þennan tíma sem ég hef ekki skrifað
hefur alltaf verið eldur í hrauninu.
1. nóv. Steinþór Sigurðsson jarðfræðingur deyr við rannsóknir í Hekluhrauni.
Rann hella úr hraunbrúninni og lenti í höfði honum. Ég hef yfirleitt ekkert að
172