Goðasteinn - 01.09.2007, Side 212

Goðasteinn 2007
Dagbjört giftist hinn 2. júlí 1838 séra Sveini Ögmundssyni og þau settust að í
nýbyggðu prestssetrinu í Kirkjuhvoli þegar það var tilbúið 1943. Séra Sveinn
gekkst fyrir því að prestssetrið var flutt frá Kálfholti í Þykkvabæ. Þau eignuðust
þrjá dætur, Helgu, Guðrúnu Gyðu og Guðbjörgu. Börn séra Sveins af fyrra
hjónabandi höfðu sífellt samband við heimilið og allur systkinahópurinn fann til
samstöðu. Helga er fædd 1941. Hún er sendiráðsritari hjá þýska sendiráð-
inu. Maður hennar var Sigfinnur Sigurðsson sem lést 2003. Guðrún Gyða er ferða-
ráðgjafi, fædd 1943. Guðbjörg er fædd 1954, geðhjúkrunarfræðingur og forstöðu-
kona hjá Rauða krossinum. Maður hennar er Einar Ólafsson.
Dagbjört og séra Sveinn höfðu oft hjá sér börn á veturna sem séra Sveinn
kenndi og Dagbjört hafði í fæði og umönnun. A sumrin komu sumarbörn og
bjuggu hjá þeim. Dagbjört ræktaði trjágarð við prestssetrið og hafði þar matjurta-
garð. Hún fór oft heim að Suður-Nýjabæ og mörg systkini hennar komu þangað
um helgar til að njóta samvistanna í fjölskyldunni. Þegar sjálfvirki síminn kom
gátu Suður-Nýjabæjarsystkinin talað heilu kvöldin við þau sem voru flutt að
heiman. En meðan símstöðin var í Miðkoti kom Guðjóna gangandi með skilaboð
um að þau ættu að hringja í hin systkinin.
Dagbjört var ein af stofnendum Kvenfélagsins Sigurvonar og formaður um
tíma. Hún tók mikinn þátt í þróttmiklu starfi þess. Konurnar hittust til að sauma
upp úr gömlum flíkum og til að halda barnaskemmtanir á jólunum og skemmtun á
17. júní eða bara til að skemmta sjálfum sér. Hún var í briddsklúbbnum og þar var
spilað á mörgum borðum og farið til að spila við klúbba á Hellu og í Reykjavík.
Arið 1969 hætti séra Sveinn prests- og prófastsstörfum fyrir aldurs sakir og þau
fluttust til Reykjavíkur og bjuggu við Reynimel. Dagbjört fékk sér vinnu og
skúraði í Hagaskóla í nokkur ár. Arið 1979 missti hún báða foreldra sína og svo
mann sinn. Margir sameiginlegir vinir þeirra hjóna voru á aldur við mann hennar
og mun eldri en hún og hún missti þá hvern af öðrum. Hún flutti í íbúð við
Vitatorg og átti þar góð ár og tók mikinn þátt í félagsstarfinu þar og naut þess að
ganga um bæinn og fara í búðir og hitta vinkonur sínar, vel klædd og höfðingleg í
fasi. Síðustu árin bjó hún í Skógarbæ og dó þar hinn 3. apríl 2006 og var jarðsett í
kirkjugarði Þykkvabæjarkirkju 12. apríl.
Sr. Auður Eir Vilhjálmsdóttir
210