Goðasteinn - 01.09.2007, Side 221

Goðasteinn 2007
saga afar hugleikin en hana las hann af hljóðbókum og drakk í sig efni hennar senr
hann vissi glögg skil á og kunni utanbókar marga mikilvæga staði í þeim stór-
brotna texta.
Ásberg fylgdist vel með þjóðmálum, gaf sig að fréttum líðandi stundar og
fylgdist vel með gengi hlutabréfa á fjármálamarkaðnum. Pólitíkin var honum
mikið áhugamál og honum leiddist ekki þegar hana bar á góma, hvað þá ef hægt
var að takast á um álitaefnin. Iþróttir voru ástríðufullt áhugaefni Ásbergs og aldrei
var komið að tómum kofanum hjá honum þar. Hann hélt tryggð við Vestmann-
eyinga í knattspyrnunni og var sömuleiðis ákafur stuðningsmaður Liverpool í
enska boltanum. Eyjamenn buðu honum í eftirminnilega heimsókn á leik sumarið
2001 en þann leik léku þeir Liverpool-menn aldrei eftir þeim! Engu að síður gerði
Ásberg víðförult um dagana; fór í ferðir m.a. á vegum Blindrafélagsins og
Krabbameinsfélaganna til allra Norðurlandanna, Irlands og Hollands, og Ferða-
skrifstofan Go bauð honum til Lundúna þegar hann lauk stúdentsprófinu.
En undir eins og hugurinn flaug víða og áhugaefnin áttu sér marga snertifleti,
fann sköpunarþörf hinnar líkamlegu iðju sér farveg í handverki sem Ásberg náði
ágætum tökum á. Hann komst upp á lag með að flétta körfur, vann einnig mikið úr
leir og málaði silki. Þessi starfi gerði meira en að stytta honum stundir því hann
færði honum útrás og gleði og hann sá vinnu sína nýtast öðrum í hagnýtum
hlutum, bæði til prýði og nota.
Að loknu stúdentsprófinu horfði Ásberg til háskólanáms í fyllingu tímans.
Aftur varð sjúkdómur hans til þess að áform um framtíðina hlutu að víkja en hann
veiktist undir árslok 2001 og átti í kjölfarið við að stríða erfið flogaköst sem mjög
háðu honum. Reyndist nú enn vaxa æxli í höfði hans sem var fjarlægt síðla árs
2003. Tíu mánuðum síðar var nauðsynlegt að endurtaka aðgerðina og loks í maí
2005 gekkst hann undir fjórðu og síðustu skurðaðgerðina. Þegar á árið leið var
sýnt að ekki yrði komist fyrir meinið. Ásberg tók þeim örlögum af karlmennsku
og ærðuleysi; enda var stundum líkast því sem hann skynjaði þá hluti sem ekki
lágu í augum uppi og vissi hvað biði hans. Hann var til skiptis heima og á
sjúkrahúsum síðustu misserin en á hjúkrunarheimilinu Lundi á Hellu frá maí og
fram í desember 2005. Þrítugsafmælið hinn 16. janúar 2006 hélt fjölskylda hans
og vinir með honum á Landspítalanum í Fossvogi en frá öndverðum febrúar-
mánuði sama ár dvaldi hann á Líknardeild Landspítalans í Kópavogi til dauða-
dags.
Gunnar Ásberg var jarðsunginn að viðstöddu miklu fjölmenni frá Selfosskirkju
6. maí 2006 og jarðsettur í Keldnakirkjugarði sama dag.
Sr. Sigurður Jónsson
219