Sjómannadagsblað Snæfellsbæjar - 01.06.2004, Page 4

2
Sjómannadagsblað Snæfellsbæjar 2004
Pétur S. jóhannsson:
*
Agætu lesendur!
í Dritvík áður á öldum
útræði stundað var
samtals sextíu bátar
er sagt að gengju þar.
Stutt var í fisk að fara
og fengsælt víðast hvar,
þó komust menn oft í hann krappan
og kembdu ei hærurnar.
Þessi erindi eru úr ljóðinu Dritvík
eftir Ref bónda eins og hann kall-
aði sig eða Braga Jónsson, þann
snjalla hagyrðing frá Hoftúnum í
Staðarsveit. Eins og flestir vita var
mikið útræði frá Dritvík á Snæ-
fellsnesi um aldir enda stutt á
miðin. Þetta á við um fleiri staði
á landinu þó víða hafi ekki verið
eins mikið og í Dritvík. Þar sem
stutt var á miðin og lending góð
bjó fólk, því hafa varð til hnífs og
skeiðar. Víða má sjá þess merki
hér í bæjarfélaginu að útræði var
stundað eins og t.d. við Hrísaklett
í Fróðárhreppi hinum forna. Þar
var útræði enda stutt á miðin eins
og segir í ljóði Refs bónda. Bjarni
Olafsson bóndi í Geirakoti segir
frá því í grein í þessu blaði sem
honum er minnistætt þegar hann
var ungur drengur um lendinguna
við Hrísaklett og einnig um það
er fiski var landað og frá verslun-
inni hjá Stefáni á Hrísum. Við
Snæfellingar búum svo vel að
stutt er á miðin frá okkar höfnum
og á því byggjast bæjarfélögin og
svo mun enn verða um ókomin
ár.
I þessu Sjómannadagsblaði sem
kemur ykkur fyrir sjónir er víða
borið niður með efni en það byrj-
ar á hugvekju eftir sr. Ragnheiði
Karítas Pétursdóttur, sóknarprests
við Ingjaldshólskirkju. Viðtal er
við Vigfús Vigfússon, byggingar-
meistara í Ólafsvík, en hann segir
frá þeim framkvæmdum í landi
sem hann tók þátt í er Ólafsvík
byggðist upp eftir 1950 og hann
er enn að smíða þó hann verði
áttræður á þessu ári. Þá er viðtal
við útvegsbóndann Sævar Frið-
þjófsson í Rifi og einnig er viðtal
við Guðmund Runólfsson, fyrr-
um útgerðarmann í Grundarfirði
um fjölskyldufyrirtæki hans. Þá
segir frá því er Bjarni Sveinbjörns-
son, fyrrum hafnarvörður í Stykk-
ishólmi, byrjaði á sjó aðeins níu
ára gamall á skútu frá Þingeyri.
Viðtal er við þau hjón Erlu Orms-
dóttur og Martein Gíslason í
Ólafsvík en þau hafa rekið kraft-
mikla trilluútgerð í mörg ár.
Ungur vélstjóri á Hellissandi,
Ævar Þrastarsson, skrifar um
námið í Vélskólanum og þá
möguleika sem það hefur uppá að
bjóða. Þá eru í blaðinu fjölmarg-
ar greinar, frásagnir og myndir af
lífi og starfi fólks.
Enn skai þakkað þeim fjöl-
mörgu sem lögðu til efni í blaðið
með greinum og myndum og
einnig þeim einstaklingum og fyr-
irtækjum sem gerðu útgáfu blaðs-
ins mögulega með auglýsingum
og kveðjum. Það er við hæfi að
enda þennan pistil með tveimur
síðustu erindum Refs bónda úr
ljóðinu Dritvík.
Og væri í landi legið
við leika var margur snjall
þeir fangbrögð við Fullsterk þreyttu
og færðu hann uppá stall.
Nú Dritvík er öll í eyði
hið ágæta fiskiver.
Fullsterkur er þó eftir
og aldrei þaðan fer.
Öllum sjómönnum og fjöl-
skyldum þeirra er óskað gleðiíegs
sjómannadags.
EFNISYFIRUT
3 A sjó í Jesú nafni
Sr. Ragnheiður Karítas Pétursdóttir
4 Vigfús Vigfússon byggingameistari í Ólafsvík
Pétur S. Jóhannsson
12 Níu ára sjómaður
Gunnar Hjartarson
17 Framtíðin er í okkar höndum /
Sigfús Almarsson og PSJ
24 Útibú Hafró í Ólafsvík
Hlynur Pétursson
26 Hagleiksmaður
Pétur S. Jóhannsson
28 Frækileg björgun
Pétur S. Jóhannsson
29 Skemmtiferð til Flateyjar árið 1958
Hrefna Magnúsdóttir
31 Sjómannadagurinn á Hellissandi og í Rifi 2003
31 Snæfellsbæjarljóð
Höfundur ókunnur
32 Björgun skipbrotsmanna á Hafdísi SH 7
Erlingur Viggósson
34 Ætlaði að verða bóndi
Guðmundur Runólfsson
37 Formannavísur
Gísli Stefánsson
38 Um formannavísur Gísla Stefánssonar
Skúli Alexandersson
43 Sjómannadagurinn í Ólafsvík 2003
44 Bónus þess tíma
Bjarni Ólafsson ^
45 Myndir úr Stykkishólmi
46 Hátíðarræða á Hellissandi 2003
Hulda Skúladóttir
49 Útgerð og ævintýri athafriafólks
Óskar Hafsteinn Óskarsson
55 Sjóveikin gerði mér lífið leitt
Pétur S. Jóhannsson
57 Sendibréf frá Spáni
Sigurlaug Sveinsdóttir
59 Mannlífsmyndir
60 Gamlar aflatölur frá Ólafsvík
Gunnar Hjartarson
61 Afram skóli
Ævar Rafn Þrastarson
66 Myrkrahöfðinginn
Kristinn B. Guðlaugsson
68 Ræða í Ólafsvíkurkirkju á sjómannadag 2003
Svanhildur Pálsdóttir
69 Myndir teknar af Sævari Snæbjörnssyni
72 Minni sjómanna
Svanhildur Egilsdóttir
74 Myndir úr albúmi Björns Arnaldssonar
76 Kaldilækur í Ólafsvík
Pétur S. Jóhannsson
*
Myndir frá sjómannadeginum 2003
eru á bls. 33, 40, 41 og 48