Bókasafnið - mar 2024, Page 23

Bókasafnið 44. árg – 2024 23
Inngangur
Tækniskólinn er stærsti framhaldsskóli Íslands með um það bil 3000 nemendur og 300
starfsmenn. Skólinn er verk­ og tæknimenntaskóli sem býður nemendum bæði upp á
stú dents próf og réttindanám í tækni­ og starfsnámi. Tækniskólinn var stofnaður árið 2008
með sameiningu Iðnskólans í Reykjavík og Fjöltækniskólans, en árið 2015 sameinaðist
skólinn einnig Iðnskólanum í Hafnarfirði. Í dag skiptist skólinn í átta undirskóla með hátt
í 50 námsbrautir. Bókasafnið er hluti af upplýsinga­ og alþjóðadeild Tækniskólans og er
með útibú í öllum þremur aðalbyggingum skólans. Auk bókasafnsþjónustunnar er þjónusta
skólaskrifstofunnar veitt á bókasafninu og framtíðarstofan (e. makerspace) er einnig orðin
hluti af bókasafninu. Á Skólavörðuholtinu er framtíðarstofan staðsett í sérrými en í Hafnar­
firðinum er hún á bókasafninu.
Bókasafn framtíðarinnar
Lengi hefur staðið til að sameina skólann undir einu þaki og hafa alla starfsemi í einni
bygg ingu. Í þeirri framtíðarsýn höfum við velt fyrir okkur hvernig bókasafnið ætti að vera,
bæði hvað varðar aðstöðu og þjónustu. Á framtíðarbókasafninu viljum við vera staðsett í hjarta
skólans. Þar erum við sýnileg, nemendur og starfsfólk eiga greiða leið til okkar og þar á að
vera auðvelt að mæta ólíkum þörfum notenda. Þar sjáum við fyrir okkur að vera með lokað
lesrými sem býður upp á algjört næði og sérstök hópvinnurými þar sem nemenda hópar geta
fengið aðgang að tölvum og öðrum búnaði sem þau þurfa við vinnu sína. Þar sem námið í
Tækniskólanum er sífellt að verða verkefnamiðaðra mun þörfin fyrir slík rými aukast. Safnið
í heild sinni verður með gott pláss fyrir safnkostinn og aðlaðandi rými, þar sem gott er að
staldra við, lesa, spjalla, eða fá faglega ráðgjöf frá starfsfólki safnsins.
Safnkostur
Í dag leggjum við fyrst og fremst áherslu á bækur og önnur gögn sem tengjast kennslu í
skólanum. Bókasafnið á alltaf til allar bækur sem eru á námsgagnalistum nemenda hverju
sinni og lánar þær út í einsdags innanhúsláni. Einnig er lögð áhersla á að safnið sé vel búið
ítarefni tengdu faggreinum sem eru kenndar við skólann. Bókasafnið á mikið af sértæku efni
sem ekki er til annars staðar á landinu, enda margar faggreinar sem eru einungis kenn dar
við Tækniskólann.
Bókasafnið vill hvetja nemendur til yndislestrar og leggur sig fram um að bjóða upp á lesefni
sem höfðar til nemendahóps skólans; skáldsögur fyrir unglinga, teiknimyndasögur, manga,
tímarit o.fl. Margskonar spil njóta einnig vinsælda í félagsstarfi skólans og bók asafnið
Bókasafn Tækniskólans
Starfsemi og framtíðarsýn
Höfundur: Sif Sigurðardóttir