Bókasafnið - mar. 2024, Síða 40

40 Sveinbjörg Sveinsdóttir
með þeim gerningi taldist vera kominn á samningur við þann aðila. Samningur við Inno­
vative Interfaces var undirritaður 28. maí 2019.
Árið 2019 hófst með útboði á hýsingu fyrir Sierra bókasafnskerfið og niðurstaða þess var að
samið var við Advania. Sierra kerfin þrjú voru sett upp í hýsingarumhverfi Advania, eitt fyrir
almenningsbókasöfn, annað fyrir skólasöfnin og það þriðja fyrir háskóla­, framhaldsskóla­ og
sérfræðibókasöfn. Samlagsvirkni átti síðan að koma í gegnum Inspire Discovery sem myndi
tengja Sierra kerfin saman auk þess að vera leitargátt út á við. Strax og Sierra var uppsett var
hafist handa við kerfisvinnu ýmis konar svo sem kerfisstillingar, gagnavarpanir, vinnuflæði
fyrir skráningu og viðhald lánþegaskrár. Vinnan fór fram í tengslum við fundi og námskeið
sem Innovative hélt fyrir Landskerfi og valda sérfræðinga í ágúst og nóvember. Þessu til
viðbótar voru haldnar vinnustofur í húsakynnum Landskerfisins þar sem sérfræðingar
Innovative leiddu umræður um þróun leitargáttarinnar, samlagsvirkni og samþættingu
við önnur kerfi. Niðurstöðurnar voru skjalaðar og var hönnunarlýsing leitargáttarinnar á
lokametrunum. Í árslok 2019 var verkefnið í góðum farvegi. Gert var ráð fyrir gangsetningu
kerfa fyrir mitt ár 2021.
Óvænt tíðindi
Nú dró til tíðinda sem áttu eftir að hafa afdrifaríkar afleiðingar fyrir verkefnið. Þann 5.
desember 2019 var tilkynnt um að Ex Libris hefði gert kauptilboð í Innovative Interfaces. 16.
janúar 2020 kom önnur tilkynning þess efnis að kaupin væru frágengin. Þriðja til kynningin
barst í byrjun febrúar um að tekin hefði verið ákvörðun að hætta þróun Inspire Discovery
leitargáttarinnar. Þetta voru mjög slæmar fréttir fyrir Landskerfið því leitargáttin var mikil­
vægur þáttur í kerfishögun nýs kerfis. Á þessum tímapunkti fór verkefnið í biðstöðu á meðan
reynt var að greiða úr flækjunni. Haldnir voru ýmsir fundir með Ex Libris, sem nú var við
stjórnvölinn en Innovative var á hliðarlínunni. Þar var stillt upp tveimur valkostum: Sierra
Mynd 7: kynning á sierra bókasafnskerfinu, notendaráðstefna aLefLis 2019