Bókasafnið - Mar 2024, Page 45

Bókasafnið 44. árg – 2024 45
Í framhaldi af opnun
Eftir að nýju kerfin voru gangsett tók við umfangsmikil leiðsögn til starfsfólks bóka safna í formi
kennslu og þjónustu, auk þess sem þróa þurfti ýmsar viðbætur við kerfin og fá lag færingar
á kerfisvillum. Verkefnið var krefjandi fyrir bæði starfsmenn Landskerfis og bókasafnanna
sem og kerfisframleiðandann Ex Libris og álagið var mikið.
Gríðarmikil þekkingaryfirfærsla þurfti að eiga sér stað og var skipulag og framkvæmd hennar
að miklu leiti í höndum starfsfólks Landskerfisins. Víða voru agnúar á nýja kerfinu sem
kölluðu á skilning og gott samstarf. Þjónustuþörf var mjög mikil, en þarfir safnanna voru
breytilegar eftir stærð og eðli hvers safns. Ólíkar aðstæður gerðu það að verkum að starfsfólk
þeirra var misvel í sveit sett til að tileinka sér nýjungarnar.
Þyngstur var róðurinn hjá grunnskóla­ og almenningsbókasöfnum en háskólasöfnin plumu ðu
sig vel. Aðfangaferlið var flókið, útprentun límmiða gekk ekki vel og sjálfsafgreiðsluvefur
fyrir börn og kennara í grunnskólum var ekki tilbúinn svo nokkuð sé nefnt. Kerfislegur
hægagangur var íþyngjandi við tengingu nýrra bóka í jólabókaflóðinu og lánþegar lentu í
vandræðum með frátektir. Mikil vinna hefur farið í að slípa ýmis bréf, tilkynningar og lista
af ýmsum toga en þó er þar enn nokkuð verk að vinna.
Landskerfið forritaði á endanum nýja útgáfu af smáforritinu Spinomatic sem notað er við
útprentun límmiða úr Gegni. Jafnframt hannaði og forritaði Landskerfið sérstakan útlánavef
fyrir grunnskóla þar sem nemendur og kennarar geta sjálfir lánað sér bækur.
Kennslan í kjölfar gangsetningar skiptist í tvö tímabil. Þar sem nýi Gegnir var opnaður um
miðjan júní þegar flestir skólar voru komnir í frí var ákveðið að byrja á að kenna starfsfólki
almenningsbókasafna en bíða með skólana og önnur söfn þar til eftir miðjan ágúst.
Mynd 9: starfsfóLk Landskerfis fagnar kerfisopnun í Júní 2022