Bókasafnið - mar. 2024, Qupperneq 56

56 Gunnhildur Björnsdóttir og Ingibjörg Rögnvaldsdóttir
Að vanda hófst dagskráin með hefðbundnum ársfundi samtakanna og að honum loknum
bauð Karin Hindsbo forstöðumaður listasafnsins gesti velkomna. Síðar, að lokinni kynningu
Cathrine Lorange, var farið í skoðunarferð um safnið, þessa glæsilegu byggingu þar sem
safnkosturinn nýtur sín vel, en þarna er saga norskrar myndlistar og hönnunar rakin.
Sjálf ráðstefnan hófst með að Frederick Nathanael flutti fyrirlesturinn Queer art á áhrifa ríkan
hátt þar sem hann fjallaði um það hvernig var að upplifa sig öðruvísi á unglings árunum og
lýsti vel þeim tilfinningum sem bærðust í brjósti og viðhorfum sem hann þurfti að mæta.
Frederick er leiðtogi hreyfingarinnar Pride Art sem hefur það að markmiði að koma á fram­
færi listum og menningu hinsegin fólks.
Næsti fyrirlesari var Emily Drabinski sem er bókasafnsfræðingur hjá the Graduate Center,
City Univeristy of New York. Hún er auk þess rithöfundur, kennari og forseti ALA 2023­24.
Hennar svið er einkum þekkingarstjórnun, upplýsingalæsi og gagnrýni í bókasafnsfræði.
Hún ritstýrir Gender and Sexuality in Information Studies. Fyrirlesturinn „I don‘t fit here,
or there!“: Queer life and the problem of the library, flutti hún í gegnum fjarfundabúnað.
Þá sýndi Hildegunn Gullåsen forstöðumaður bóka­ og skjalasafns, ráðstefnugestum bóka safn
safnsins. Safnið er vel útbúið bæði fyrir safngögn, rannsakendur og starfsfólk. Það vakti athygli
að eftir aðeins nokkra mánuði í þessu nýja húsnæði, hafði verið horfið frá verkefnamiðuðu
vinnurými þar sem það þótti ekki henta starfseminni. Þess í stað var hver starfsmaður kominn
með sitt skrifborð. Bókasafnið hefur einnig heilmiklar sérútbúnar geymslur í kjallara fyrir
eldra efni. Annað sem vakti sérstaka athygli var það að þegar safninu berast gjafir, þá fara öll
gögn í sóttkví áður en þeim er blandað við safnkostinn. Þetta er gert til að koma í veg fyrir
að í safnið berist einhverjar óæskilegar lífverur.
Mynd 2: bókasafn nationaL MuseuM