Bókasafnið - mar. 2024, Qupperneq 68

68 Bókasafn Reykjanesbæjar
28. apríl 2023
Ferðalangarnir hittust fyrir utan hótelið klukkan 9, sumir þreytt­
ari en aðrir. Lagt var af stað gangandi í Bjørvika bókasafnið sem
er aðalsafn Oslóar og staðsett á besta stað borgarinnar eða við
hliðina á Óperuhúsinu og skammt frá Munch safninu. Það má
segja að safnið sé hjartað í menningarmiðju borgarinnar. Þarna
eru sex hæðir og hýsir ein hæð eldri bækur. Safnið er með mjög
þróað sjálfsafgreiðslukerfi sem gerir að verkum að starfsmenn
geta einbeitt sér að öðrum verkefnum en standa í afgreiðslu allan
daginn. Einnig fengum við að sjá alveg frábæra flokkunarvél
sem flokkar bækurnar eftir því hvar þær eiga heima í safninu.
Safnið er með rúmlega 2000 sæti og er það yfirleitt þétt setið. Í því eru þrjú svæði sem
notendur geta notað til að borða og drekka nesti. Eftir því sem ofar kemur í húsinu er minni
hávaði leyfður. Barnahornið er vel rúmt þótt e.t.v. mætti færa rök fyrir því að hafa heila hæð
tileinkaða börnum, en safnið er mikið notað af fjölskyldufólki. Í safninu er hægt að nota ýmis
tæki og tól eins og t.d. saumavélar, þrívíddarprentara og smíðaverkfæri sem er mikið sótt í.
Í safninu eru einnig nokkrir salir, þar af
einn mjög stór, sem er fyrst og fremst
notað ur fyrir kvikmynda sýningar. Safn­
búð er á jarðhæð safnsins og misstu
nokkrir úr hópnum sig aðeins í henni!
Útlit safnsins er stórbrotið og er mikið
um áhugaverð smáatriði í hönnun þess
og viljum við hvetja alla sem eiga leið um
Osló að kíkja þar við.
Mynd 10: við deicHMan bJørvika bókasafnið í Miðbæ Osló
Mynd 9: fLokkunarvéL
Mynd 12: LesHorn Með útsýni á bJørvikaMynd 11: eitt af MÖrguM sérrýMuM á safninu í bJørvika