Ný menntamál - 01.06.1986, Blaðsíða 39

varðar hefur starl'shópurinn sem vann
að útgáfunni farið eftir þeirri megin-
reglu „að rithætti viðkomandi þjóð-
tungu er haldið eftir því sem við var
komið en þar sem rík hefð er fyrir ís-
lenskum rithætti er hann hafður í sviga
með viðkomandi staðarheiti. Þó eru
nauðsynleg frávik frá þessari aðalreglu,
bæði til að yngstu nemendurnir hafi
betri not af bókinni og að kort af fram-
andi málsvæðum yrðu skiljanleg ís-
lendingum." Þannig er farið bil beggja,
nafnaskráin og landsháttakortin ættu
að tryggja mönnum sem eru að Ieita að
stöðum að þeir finni þá, sérkortin og
yfirlitskortin eru hins vegar með ís-
lenskum nöfnum og íslenskum rit-
hætti. Þetta er skynsamleg meginregla
og er ekki ólíklegt að henni verði fylgt í
framtíðinni.
Af einstökum köflum í bókinni er
það helst að segja að hlutur Islands er
stórum betri í þessari nýju útgáfu og
veldur því betri og skynsamlegri nýting
á plássi, því að í raun hefur aðeins ein
kortasíða bæst við og ein síða með
skýringum. Nýjungarnar eru gervi-
hnattarmynd af Suðvestur-íslandi og
skýringar um töku og notkun slíkra
mynda eftir Guðmund Ó. Ingvarsson,
á stóra kortið í mælikvarðanum
1:800 000 hefur verið bætt upplýsing-
um um helstu svæði landsins sem eru
friðuð, svo sem þjóðgarðar,, friðlönd,
fólkvangar, landgræðslu- og skógrækt-
argirðingar. Þá hefur verið bætt inn
korti sem sýnir höfin umhverfis landið
í 1:4 000 000 þar sem mörk efnahags-
lögsögunnar eru dregin, landslag og ör-
nefni á landgrunninu o. II. Bætt hefur
verið inn opnu með sérkortum um
náttúrufar, jarðfræði og íbúa, sem mik-
ill fengur er að. I staðinn hefur verið
fórnað jarðfræðikorti og gróðurkorti og
er vel staðið að þeirri taflmennsku.
Veigamesta breytingin, auk þeirrar
sem hefur verið gerð á íslenska efninu,
eru nýju landsháttakortin. Þar kemur
hvort tveggja til að tekin hafa verið út
kort og nýjum kortum, a.m.k. einu
svæðakorti fyrir hverja heimsálfu, bætt
inn. Þessi nýju kort hafa það fram yfir
þau gömlu að litirnir eru dempaðri og
landslag kemur betur til skila, borgir
eru merktar með rauðu í stað svörtu
áður, vegir sömuleiðis með rauðu í
stað hvítu, landamæri eru gleggri og
síðast en ekki síst eru staðanöfn mikl-
um mun fleiri.
Of langt mál yrði að telja upp allar
þær nýjungar sem er að finna í bók-
inni. Það nægir að þær eru yfirleitt til
bóta og auka bæði á skýrleika og upp-
lýsingagildi bókarinnar. Þó eru ein-
staka atriði sem eftirsjá er að t.d. var
ísland víða dregið inn í réttum mæli-
kvarða til viðmiðunar í eldri útgáf-
unni, en mikið hefði verið gaman að
hafa slíka viðmiðun á hinu bráð-
skemmtilega korti af Eyjaálfu á bls.
56-57.
Það verður ekki annað sagt en að
starfshópurinn, en í honum voru þeir
Bogi Indriðason deildarstjóri, Guð-
mundur Ó. Ingvarsson landfræðingur,
Haraldur Finnsson skólastjóri, Hauk-
ur Viggósson kennari og Ingvar Sigur-
geirsson námsstjóri og starfsmenn
Copyfax myndvarpar í sérflokki
MKMÆIR
Traustir og ódýrir myndvarp-
ar sem ekki bregðast þegar
mest liggurvið.
Nákvæm og kristaltær
mynd alveg út á ystu brún
myndflatarins.
Ómissandi tæki við kennslu,
námskeiðahald, fyrirlestra,
ráðstefnurog fundi.

kKJARAN
ÁRMÚLA 22, SÍMI 83022, 108REYKJAV(K
39