Bókatíðindi - nov 2025, Qupperneq 44

KIL
Hús dags, hús nætur
Höf: Olga Tokarczuk
Þýð: Árni Óskarsson
Nowa Ruda er lítið þorp í Slesíu, landsvæði í
Mið-Evrópu sem hefur verið hluti af Póllandi,
Þýskalandi og fyrrum Tékkóslóvakíu í gegnum tíðina.
Þegar sögumaður flytur til þessa þorps uppgötvar hún
að allt þarna á sér sögu. Mögnuð saga Nóbelsskálds.
335 bls.
Bjartur
KIL RAF HLB
Dr. Ruth Galloway 2
Janusarsteinninn
Höf: Elly Griffiths
Þýð: Eyrún Edda Hjörleifsdóttir
Önnur bókin í metsöluflokki um fornleifafræðinginn
dr. Ruth Galloway sem aðstoðar lögregluna í Norfolk
á Englandi við rannsóknir glæpamála. Gömul
barnsbeinagrind finnst undir þröskuldi á gömlu
glæsihýsi sem verið er að rífa. Er hugsanlega um fórn
að ræða, tengda gömlum helgisiðum? Ómótstæðileg
blanda af ráðgátum, húmor og spennu.
368 bls.
Forlagið - Vaka-Helgafell
KIL
Klingsor
Höf: Torgny Lindgren
Þýð: Heimir Pálsson
Þessi ótrúlega ævisaga listamanns er eitt dæmið enn
úr smiðju sænska stílsnillingsins Torgnys Lindgren þar
sem tekist er á við alvarlegar og flóknar spurningar
með vopnum listarinnar. Sagnaheimur þar sem allt
getur gerst og skammt er milli ærsla og harms.
217 bls.
Ugla
KIL
Klær gaupunnar
Höf: Karin Smirnoff
Þýð: Sigurður Þór Salvarsson
Alþjóðleg fjárglæfraöfl hafa hreiðrað um sig nyrst
í Svíþjóð og svífast einskis við nýtingu viðkvæmra
nátturuauðlinda. Í bænum Gasskas finnst verktaki
myrtur. Mikael Blomkvist fer á stúfana og kemst að því
að það er maðkur í mysunni. En rannókn hans verður
til þess að loftslagsaðgerðarsinni týnir lífinu.
382 bls.
Ugla
KIL
Kortabók skýjanna
Höf: David Mitchell
Þýð: Helgi Ingólfsson
Sex sögusvið sem skarast á sex tímaskeiðum
með sex ólíkum stílbrigðum.
Þessi magnaða skáldsaga rekur sig inn í komandi
aldir og aftur til baka. Á því ferðalagi tengjast
sögupersónur ólíkra tíma, örlög þeirra fléttast
saman, stórar siðferðilegar spurningar kvikna og
við blasir næsta ógnvekjandi framtíðarsýn.
669 bls.
Ugla
KIL
Grænmetisætan
Höf: Han Kang
Þýð: Ingunn Snædal
Hin suður-kóreska Han Kang hlaut Nóbelsverðlaunin í
bókmenntum árið 2024 fyrir „ákafan ljóðrænan prósa
sem tekur á sögulegum áföllum og afhjúpar viðkvæmni
mannlífsins.“ Áður hafði hún m.a. hlotið Man
Booker-verðlaunin árið 2016 fyrir Grænmetisætuna
sem farið hefur sannkallaða sigurför um heiminn.
200 bls.
Bjartur
KIL
Heima
Höf: Judith Hermann
Þýð: Elísa Björg Þorsteinsdóttir
Dóttir hennar er ferðalangur, langt í fjarskanum.
Fyrrverandi manni sínum skrifar hún lítil bréf
þar sem hún rekur hvernig henni líður. Judith
Hermann segir frá konu sem skilur við ýmislegt
og þróar með sér mótstöðuafl. Í áhrifamiklu
landslagi við ströndina verður hún önnur en
áður. Gömul veröld glatast og ný verður til.
175 bls.
Benedikt bókaútgáfa
KIL
Hinir ósýnilegu
Höf: Lone Theils
Þýð: Þórdís Bachmann
Í fríi í Danmörku hittir blaðamaðurinn Nora Sand
þekktan lögmann sem hún hefur lengi viljað taka
viðtal við. Daginn eftir finnst maðurinn myrtur.
Þegar Nora fer að grafast fyrir um ástæður morðsins
kemur í ljós að lögmaðurinn stýrði rannsókn á
víðtæku barnaníðsmáli í Bretlandi þar sem grunur
leikur á að háttsett fólk hafi komið við sögu.
286 bls.
Ugla
SVK
Hitt nafnið
Sjöleikurinn I-II
Höf: Jon Fosse
Þýð: Hjalti Rögnvaldsson
Fyrsta bókin af þremur í stórvirki Nóbelshöfundarins,
svonefndum Sjöleik. Seiðandi og stórbrotin saga
um listina, um Guð, um alkóhólisma, vináttuna
og framrás tímans. Hún fjallar um dauðann, en
líka um þýðingu þess að vera á lífi, um hlýjuna
frá hundi, gleðina við að keyra í snjó og bragðið
af spældum eggjum og steiktu fleski.
442 bls.
Dimma
IB
Hobbitinn
Höf: J.R.R. Tolkien
Þýð: Solveig Sif Hreiðarsdóttir
Þýð.lj: Bragi Valdimar Skúlason
Myndh: J.R.R. Tolkien
Hobbitann eftir J.R.R. Tolkien þarf vart að kynna.
Góðu fréttirnar eru að nú er bókin loks fáanleg
á ný fyrir lesendur á Íslandi. Í nýrri þýðingu
Solveigar Sifjar Hreiðarsdóttur með ljóðaþýðingum
Braga Valdimars Skúlasonar. www.kver.is
307 bls.
Kver bókaútgáfa
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort44
Skáldverk  ÞÝDD