Fróðskaparrit - 01.01.1962, Side 49
Ov høgt blóðtrýst
55
teir av órættum verða settir í bólkin hypertensio arterialis
essentialis, tess tneira tí at sjúklingar við hypertensio arteri-
alis essentialis kunnu fáa lík herðindi (encephalopathia
hypertensiva acuta). Við serstøkum kanningarlag ber til
at gera mun á hesum báðum sjúkum. Er illgruni um phaeo*
chromocytom kann, um blóðtrýstið er lágt, so nevnd hista*
minroynd verða gjørd. Sjúklingurin fær blóðtrýstkubbing
um armin oman fyri alboga, blóðtrýstið verður mátað, og
síðan verða 0,025 mg av histamini sprænt inn í bláæðr,
og blóðtrýstið verður mátað hvønn minutt í 15 minuttir
eftir innspræningina. Hækkan á meira enn 45 mm Hg í
samantøkublóðtrýstinum og 30 mm Hg í útgevingartrýst*
inum er roknað at vera positiv vísing, ið bendir at tí, at
sjúklingurin hevur phaeochromocytom. Hjá frískum sæst
blóðtrýstlækkan og síðan ein lítil hækkan. Men hevur
sjúklingurin varandi høgt blóðtrýst, kann adrenovirkið evni,
t. d. regitin, benzodioxan ella dibenamin verða innsprænt.
Eg skal í fáum orðum umrøða regitin«royndina, ið er best
umtókt, tí at hjáárinini eru fá og smá, og hon er reiðiliga
lítargóð. 5 mg av regitini verða sprænd inn í bláæðr, eftir
at blóðtrýstið er mátað. Síðan verður blóðtrýstið mátað
hvønn hálvan minutt í 7 minuttir, og fall meiri enn 35
mm Hg í samantøkublóðtrýsti og 25 mm Hg í útgevingar*
blóðtrýsti er mett at vera positivt. Nøgdin av noradrenalini
og adrenalini í landinum er hent til hjálpar við avgerðina
saman við tí háttalag, ið umrøtt er. Vanliga fer lítið av
noradrelini út í landið, men tá ið maður hevur phaeochromo'
cytom, veksur úrskiljingin munandi. Phaeochromocytom
eigur at verða skorið burtur, tí annars doyr sjúklingurin
eftir stuttari tíð.
Er tað nýrnabrek, ið bagir, kann tað ofta verða funnið
við at kannað landið gjølla. Umframt handahóvseggjahvíta*
kanning og sjóneykukanning av landinum, leggi eg áherðslu
á týdningin at kanna evnistyngdina í landinum. Sjúklingar,
ið hava burturav lítla evnistyngd, u. I. 1010, hava ofta nýrna*
brek. Lat meg nevna, at ring nýrnabrek valda ofta ikki aðrar