Fróðskaparrit - 01.01.1962, Side 57

Ov høgt blóðtrýst
63
at hjálpa sær sjálvum við hørðum opningi kann hækka
blóðtrýstið nógv. Minkað eigur at verða um tubbakið, ser«
stakliga um sigarettirnar, og drykkir við coffeini í. Rús»
drekka við hógv er meinaleyst, hevur heldur sissandi árin,
men mælt má verða frá ovurnýtslu. Ofta er gagn í at geva
sjúklingunum eitthvørt sissandi um dagin, t. d. tablettae
phenemal minores, pilulae valerianae barbituricae. Á hin
bógvin eiga nýggjari psychofarmaca at verða givin við
varni, eitt nú tablettae meprobamati, tablettae atarax.
Tað er, eins og nevnt hevur verið, aldri orsøk til at nýta
rættilig antihypertensiva móti ovtrýsti, eitt nú vegolysen,
ansolysen, apressolin, mevasin, ismelin og heldur ikki serpa*
sil (reserpin, rauvilid). Fátt hevur verið misnýtt, sum hesir
tilbúningar, og teir hava neyvan meiri blóðtrýstlækkandi
ávirkan enn tey sissandi Cvni, ið omanfyri vóru nevnd,
heldur ikki hjá sjúklingum við illkynjaðum ovtrýsti. Har*
umframt hava teir tey leiðiligu framíhjáárin, at teir valda
tunglyndi hjá sjúklingum, ið hava fingið teir í longri tíð,
við hvørt so herviligt tunglyndi, at sjúklingarnir beina
fyri sær.
Viðgerðarhættir.
Nú skal eg umrøða teir viðgerðarmøguleikar, ið eru fyri
hendi, tá ið sjúklingur, ið hevur illkynjað ovtrýst, ið vindur
upp á seg, skal verða viðgjørdur. Vit eiga at gera okkum
greitt, at sjúklingarnir, ið vit hava skipað í henda bólk,
hava ringar vánir, fáa teir ikki viðgerð. Yvirhøvur eru teir
at meta sum avlamnir, og verða teir ikki viðgjørdir, doyggja
flestir teirra í seinasta lagi eftir einum 5 árum. Við teimum
viðgerðarmøguleikum, sum nú eru til taks, ber til at taka
sjúkueyðkennini frá sjúklingunum og eisini at fáa funnu
broytingarnar til at batna, og ofta kunnu teir gerast arbeiðis*
førir aftur. Viðgerðarmøguleikarnir eru tvinnandi: I Skurð*
viðgerð, II Heiliráðviðgerð.