Fróðskaparrit - 01.01.1962, Blaðsíða 76

82
Um goshálsar í Føroyum
Eldri bókmentir.
Goshálsar eru ikki nógv viðgjørdir í eldri bókmentum
um føroyska jarðfrøði. Geikie (1896) greiðir gjølla frá gos*
hálsum (goshálsi) norðan fyri Dalanípuna á Streymoynni.
Bøggild (1928) sigur at goshálsar eru vanligir í Føroyum,
og nevnir hann sum dømi Dalanípuna. Eisini nevnir hann
at gosmyrja sæst mangastaðni fram við strondini frá
Froðbiarnípuni norður til Hvalbiar. Walker & Davidson
(1936) siga seg hava sæð 6 goshálsar umframt hann á Dala*
nípuni: Suðuri í Vági, í Froðba, á Kunoynni, sunnantil
á Viðoynni, á Kirkjubønesi og kanska ein í Høvdabergi
í Suðuroy.
Goshálsar í Føroyum.
Vit hava tey farnu árini verið varir við 9 goshálsar í Før*
oyum*): Á Viðoynni: Sunnan fyri bygdina Viðareiði; á Torv=
stíggi sunnantil á oynni út ímóti Hvannasundi og inni á
Viðvík. A Borðoynni: Á Svartakletti millum Skálatoftir og
Múlan. Á Kallsoynni: Norðan fyri Lambagjógv vestantil á
oynni. Á Streymoynni: Frá Dalanípuni norður í skorarnar.
í Vágunum: Sunnan fyri Marragjógv út ímóti Vestmanna*
sundi. í Koltri: í landnyrðingshorninum á Koltursnakki
og norðan fyri bygdina.
Geikie (1896) nevnir 5 goshálsar á Dalanípuni. Eftir
okkara tykki er her kortini bert talan um ein gosháls, sum
seinri skal verða greitt frá. Gosmyrjan sum Bøggild (1928)
nevnir millum Froðbiarnípu og Hvalba, er ikki goshálsur
ella goshálsar men goskluftin í Suðuroy (Rasmussen 1952,
1957). Goshálsarnir suðuri í Vági, á Kirkjubønesi og í
Høvdabergi sum Walker &. Davidson (1936) nevna, hava
vit ikki rakt við ella í hvussu er ikki skilt sum goshálsar.
Goshálsurin teir siga frá á Froðbiarnípu, er eftir okkara
*) Jarðfrøðiliga kortleggingararbeiðið hjá Danmarks Geologiske Un-
dersøgelse.