Fróðskaparrit - 01.01.1962, Síða 96
Rasmus Kristen Rasmussen.
* 8. novembur 1886. f 4. august 1961.
Mangan hevur tað komið einum landi væl við, at fremmandir hava
fest búgv og eru runnir saman við fólkinum, teir eru komnir til — við
gestsins gløgga eyga hava verið varugir við so mangt, sum landsins
egnu børn lítið ansaðu og virdu, og at teir síðani við nærlagni og
íðni hava roynt at bjarga tí, ið annars hevði farist, og at benda búning
og viðurskiftum á ta leið, sum teimum tóktist hollast.
Av tí berginum brotin var R. K. Rasmussen, danski læknin, sum 33 ára
gamal kendi tað sum eina skyldu vegna langt læknaloysi at fara til Eiðis,
har hann varð sitandi í 32 ár, til hann vegna sjúku legði frá sær og
flutti suður til Havnar at nýta seinastu ár síni til at gera burtur úr
teimum ríku søvnum, hann hevði drigið saman tey nógvu ár hjá fólk<
inum norðast á Eysturoynni og Streymoynni.
Um henda merkismann er áður skrivað í árbók okkara (Fróðskapar*
rit 1956, 5: 168), teirri bókini, ið ognað varð honum sum heiðursrit
á 70 ára degnum, eins og har er sagt frá helstu ritgerðum hansara.