Fróðskaparrit - 01.01.1962, Blaðsíða 81
Um goshálsar í Føroyurri
87
Streymoy. Fram við Streymoyarlandinum sæst frá Dala=
nípuni norður í Seyðaskor gosmyrja niðarlaga í berginum.
Tað norðasta hon sæst er sunnantil í Seyðaskor, og tað
sunnasta hon sæst, er beint norðan fyri drangin á Dala=
nípuni, Skølingur nevndur (5. mynd). Frá Nípá vestur
móti Dalanípuni síggjast, so langt eygað røkkur upp í
bergið, tunnar basaltfláir og, millum teirra, poknutar saman*
komingar ella tunnar royðugrýtisfláir. Millum Steyr og land
er gong. Frá gongini gongur hópur av smáum innskots*
halum út í Steyr. Fram við teimum sæst gosmyrja her og
har. í berginum millum Skøling og Reipaskor síggjast
summastaðni tunnar regluligar basaltfláir. Sunnantil í Reipa*
skor er gong, og innan fyri (eystan fyri) hana er gosmyrja,
men uttan fyri (vestan fyri) hana eru tunnar regluligar
basaltfláir. Eftir ætli røkkur gosmyrjan millum Reipaskor
og Steyr einar 50 m upp í bergið. Norðantil í Reipaskor
sæst eisini ein gong og smærri innskotshalar frá henni.
Hetta er helst sama gongin sum sunnantil í skorini og í
Steyri, og strýkur hon sostatt í høgan útnyrðing—lágan
landsynning. Eins og sunnan fyri sæst gosmyrja bara innan
fyri (eystan fyri) gongina. Oman á gosmyrjuna sæst her
innskot, og oman á aftur tunnar regluligar basaltfláir. Geikie
(1896) greiðir gjølla frá viðurskiftunum her á staðnum og
sigur, at her eru í minsta lagi 5 smáir goshálsar norður
við landinum. Kortini fara vit at halda, at hetta ikki eru
skurðir gjøgnum fleiri smáar goshálsar, men skurður gjøgn<=
um ein langan, smalan gosháls, sum gongur í høgan út=
nyrðing—lágan landsynning. Gosmyrja sæst, sum nevnt,
frá Seyðaskor suður í Skøling, men ikki uttan fyri gongina
í Reipaskor, har basaltfláirnir eins og vestantil í Skølingi
og Steyri eru regluligar. Hetta man tí vera vestan fyri
hálsin. Eisini síggjast regluligar basaltfláir summastaðni í
berginum, upp gjøgnum alt bergið millum Reipaskor og
Dalanípuna, og man hetta tí vera eystan fyri hálsin. Tað
er soleiðis líkt til, at goshálsurin er umleið 1500 m og
hevur skap sum ein lítil goskluft.