Fróðskaparrit - 01.01.1962, Blaðsíða 30
36
Grindadráp í Føroyum 1940—1962
støddar. Soleiðis hevur eisini verið í seinnu árum. Nakrar
hava bert verið fáir hvalir, einstakar bert 1 hvalur, men
man tað tá vera so, at grindin er sloppin út aftur, bara
ein ella einstakir hvalir hava ligið eftir. Størsta grindin, ið
komin er hesi seinastu 23 árini, man vera hon, ið doyði
Heima á Sandi 6. oktober 1940. Tíverri er tað líkt til, at
einki skjal er at finna um hesa grind. Men eftir upplýs*
ingum úr dagbløðum og frá sýslumanninum fyri Sandoyar
sýslu vórðu merktir o. u. 800 hvalir. Tó halda sandingar,
at grindin var nærri 1200 hvalum. Menn komu ikki út
yvir at draga upp, og hann brast á við illveðri. |Annars
skal størsta grindaskiftið hava verið í Miðvági og Sanda*
vági 8. august 1899. Henda dag vórðu 1100 hvalir dripnir
í Miðvági (1050 merktir). Tá sløddust 170 eftir. Teir vóru
komnir út um blóðið og fingust ikki inn í tað aftur. So
vórðu teir riknir inn á Sandavág og dripnir har. Alt varð
skift undir einum — tilsamans 1220 hvalir (Mikkjal
Dánjalsson Á Ryggi 1935).
2. talva vísir hvussu nógvar grindir, ið dripnar eru og
hvalir á teimum ymisku hvalvágunum í árunum 1940—62.
Besta grindapláss í hesum árum hevur verið Klaksvík. Har
eru 37 grindir deyðar — tilsamans 5488 hvalir. Næst kemur
Vágur| har 27 grindir (4624 hvalir) hava lagt beinini. A
Miðvági eru deyðar 21 grindir — 4040 hvalir, í Tórshavn
25 grindir — 3255 hvalir og á Hvalba 20 grindir við 3469
hvalum. Annars er grind deyð í 22 plássum í Føroyum í
hesum tíðarskeiði. Men í summum plássum er lítið deytt.
Á Viðvík er soleiðis bert ein grind dripin í hesum árum,
og var tað í 1942. Hon er her sett til 125 hvalir. Menn
mettu hana til 100—150 hvalir. Tað vildi so illa til, at ill*
veður brast á við brimi, so flestu hvalirnir skolaðu út
aftur, áðrenn teir vóru merktir. Á Skálavík er eisini bara
1 grind dripin — 16 hvalir í 1956.
Um hvussu skjótt grindahvalurin veksur á okkara leiðum,
er lítið kannað. Høst (1875) skrivar, at størsti grindahvalur,
hann hevur sæð, var 23 skinn ella 24 føtur í fullari longd