Fróðskaparrit - 01.01.1962, Blaðsíða 58

64
Ov høgt blóðtrýst
I Skurðviðgerð.
Skurðviðgerðin, hin sonevnda sympatektomia thoracolum*
balis er soleiðis háttað, at størri ella minni partur av truncus
sympaticus verður skorin burtur; hetta er kallað Peeds
skurður. Hann var tikin í nýtslu mitt í 1930»árunum og
varð nógv útbreiddur, men er valla nýttur longur. Hetta
var heldur stórt skurðtiltak, ið varð gjørt av nervaskurð^
Iæknum. Tað kravdi heldur langa eftirbatatíð, og nerva*
verkirnir eftir skurðin vóru ofta meinir, men sannroynd
var, at blóðtrýstið lækkaði og helt sær rætvorðnum í eitt
til trý ár, men so fór tað aftur at hækka. Beckgaard og
Hammerstrøm 12 hava viðgjørt stórt sjúklingatilfar hagfrøði*
liga, og tað vísir seg, at hetta tiltak longdi æviskeið sjúkh
inganna, men tá 3—5 ár vóru umliðin, var blóðtrýstið aftur
høgt. Hetta viðgerðarlag er heilt burturtroðkað av heili*
ráðviðgerð, og nú verður tað bert nýtt í teimum førum,
har ikki eydnast at lækka blóðtrýstið við teim vanligu
antihypertensivu tilbúningum, ella tá ið framíhjáárinini eru
so ring, at neyðugt er at gevast við teimum.
II Heiliráðviðgerð.
Framburðurin í heiliráðviðgerðini hevur verið øgiliga
stórur seinastu árini. Nýggir og umbøttir tilbúningar koma
í heilum fram á marknaðin, og nú eru til einstaka virknir
tilbúningar, men sum í aðrar mátar gera lítið um seg. Eg
skal geva eitt heilt stutt yvirlit yvir framgongdina í heili=
ráðviðgerðini og lýsa teir einstøku tilbúningarnar. Tað er
sera umráðandi at vita, hvussu tilbúningarnir, ið nýttir
verða, virka, og at kenna hjáárinini, ið koma kunnu fram
við nýtsluna. At seta í verk heiliráðviðgerð krevur vanda=
ligar, fyrireikandi kanningar, eisini til at vita hvussu nógv
hin kannaði tolir av, og eftirlit aftaná. Hetta er alt tíðar>=
frekt og krevur góða samvinnu millum lækna og sjúkling,
og eisini millum útistarvandi læknan og serdeildina.