Fróðskaparrit - 01.01.1968, Blaðsíða 8

16
Eitt dømi um saltfisk, ið varð mislittur av kopari
í nógvum føroyskum línubátum er ein hópur av kopar-
lutum í lastarúminum, annaðhvørt evndir úr reinum kopari
ella úr koparsambræðing, og hava teir lyndi til at eira. Av
slíkum l'utum eru sambært uppgávu frá manni kønum í skipa-
bygging hesir:
1. Festi til lampur
2. Festi til verndarnet uttan um lampur
3. Kaðalgongdir inn til lampustøð
4. Skrúugangir til el-perur
5. Ein hópur av kaðalgongdum gjøgnum skott
6. Rør við kuldaløgi (Freon) millum maskin- og kuldarúm
7. Leidningar til fjarýtingartól
8. Kaðalar til fjartermometur.
Tá ið lastarúmið varð kannað, kom skilliga fram, at lampt
støð og verndarnet vóru eird. Tey vóru blágrøn á liti a
Cu+ + eirdømi, og líkindi vóru til, at koparhavur sveit
frá lampustøðum og netum kundi verða drippaður niður í
salti og á fiskin. Men uppaftur skilligari sást, at kopar mátti
vera komið niður í lastarúmið frá rørunum við kuldaløgi,
sum gingu millum maskin- og kuldarúm. Hesi rør lógu í eini
lokaðari trærennu. 1 støðum var botnfjølin í rennuni blágrøn.
Tá ið hon varð tikin frá sást inn á rør, sum vóru avtakin av
eirdømi. Skilliga sást, at væta úr lastarúminum var løgst á
røruni, hevði loyst kopar upp og var dryppað undan aftur
rørunum niður í lastina. Beint trndir, har sum botnfjølin í rør-
rennuni var mest blágrøn — lekin undan rørunum ætlandi
hevði verið grovastur — sløddist eitt sindur av salti eftir á
banjarinum. Tað var blágrønt á liti (sí 1. mynd). Uttan á
rørunum lá skón av kopareirdømi, sum lættliga flusnaði
burtur av.
Banjarin var úr sementi, garnering úr viði og lastarúms-
styttur úr galvaniseraðum jarni.
Út frá teirri kanning, gjørd er, av lastarúminum, má hald-
ast at røruni við kuldaløgi hava verið høvuðsatvoldin í, at