Fróðskaparrit - 01.01.1968, Blaðsíða 55
Oyðing av rottum og músum í Føroyum
63
hevði, sum fyrr nevnt, ta áseting, at hon kundi ikki setast í
gildi í Føroyum uttan við kongligari fyriskipan, og av tí fylgdi,
at hon kundi ikki koma í gi'ldi her, fyrr enn slík fyriskipan
var givin og kunngjørd á tann hátt, ið lógin frá 1. apríl 1896
fyrisetur. Kunngerðin av rottulógini og tann kunngerðin, ið
hoyrir saman við henni, frá 1. mai 1907 í »Dimmalætting«,
var tí týdningarleys og er at meta sum eitt dømi um vanligt
vantandi reglufesti, útint av fyrisitingini viðvíkjandi kunn-
gerð av lógum sambært lógina frá 1. apríl 1896. Her er ikki
rætta staðið at gera meira við henda spurningin, men nevnt
skal kortini verða, at ígjøgnum árini er hópur av lógum settar
í gildi, sum ikki høvdu og eftir innihaldi sínum ikki kundu
hava minsta týdning fyri Føroyar, t. d. lógir um jarnbreytir í
Danmark og øll tann mikla lóggáva at fáa í lag danskan rætt
í suðurjútsku landspørtunum eftir sameiningina aftur í 1920.
Men aftur til rottulógina! Lógin frá 1907 varð avloyst av
lóg nr. 96 frá 18. apríl 1910 um atgerðir til at oyða rottumar.
í hesi lóg var einki fyrivarni viðvíkjandi Føroyum, sum í lóg-
ini frá 1907, møguliga tí at hon ikki, sum lógin frá 1907,
legði treyt á kommunurnar til at lata pening til rottuoyðing-
ina. Hóast tað ynski, sum løgtingið í 1908 hevði nevnt, at fáa
nýggju lógina fyrilagda, sæst ikki, at lógin frá 1910 hevur
verið løgd fyri tingið, men hon er uttan orð og boð sett í gildi í
Føroyum við kunngerð í »Dimmalætting« hin 4. juni 1910. Við
tað at lógin ongar serstakar ásetanir hevði um, nær hon skuldi
koma í gi'ldi, kom hon so — smb. lógina frá 1. apríl 1896
3. § — í gildi í Føroyum 4 vikur seinni, t. e. 2. juli 1910.
Eftir 5. § í lógini skuldi hon galda í bert 5 ár. Uppskot um
at leingja hana varð lagt fram í ríkisdagssetuni 1914/15, men
varð ikki framt. Latið varð upp í hendurnar á felagnum, sum
Zusohlag hevði stovnað: »Foreningen til lovordnet Udryddelse
af rotter« at varðveita tey úrslit, sum hagartil vóru vunnin í
Danmark.
Tá ið umsókn í mai 1915 varð send til løgtingið við bøn
um at gera tiltøk til at oyða rottur, var tí hvørki í Danmark
ella í Føroyum nøkur lóggáva um henda spurning.