Morgunblaðið - 08.10.1983, Blaðsíða 22

22
MORGUNBLAÐIÐ, LAUGARDAGUR 8. OKTÓBER 1983
Veður
víða um heim
Akureyri 3 heiðskírt
Amsterdam 17 skýjað
Aþena 30 heiðskirt
Bangkok 34 heiðskírt
Barcelona 21 þokumóða
Belgrað 22 22 heiðskírt
Berlín 15 skýjað
Brussel 18 skýjað
Buenos Aires 31 heiðskírt
Chicago 20 skýjað
Dublin vantar
Feneyjar 20 þokumóða
Frankfurt 17 skýjað
Færeyjar vantar
Genf 19 skýjað
Havana 30 skýjað
Helsinki 11 skýjað
Hong Kong 31 heiðskírt
Honolulu 32 heiðskírt
Jerúsalem 32 heiðskírt
Jóhannesarborg 23 rigning
Kairó 28 heiðskirt
Kaupmannahöfn 12 rigning
l.as Palmas 25 heiðskfrt -
Lissabon 28 heiðskírt
London vantar
Los Angeles 32 rigning
Madríd 29 heiðskírt
Malaga 24 heiðskirt
Mallorka 25 skýjað
Manila 32 skýjað
Miami vantar
Montreal 14 rigning
Moskva 14 skýjað
New York 24 heiðskfrt
Nýja Delhí vantar
Osló 12 skýjað
París 17 skýjað
Peking 21 rigning
Perth vantar
Reykjavík 6 léttskýjað
Rio de Janeiro 30 skýjað
Róm 24 heiðskfrt
San Fransisco 27 skýjað
Seoul 17 skýjað
Stokkhólmur vantar
Sydney 19 heiðskfrt
Pólland:
Samstöðu-
leiðtogi
dæmdur
Varsjá, 7. október. AP.
JANUSZ Palubicki, einn af leiA-
togum SamstöAu, sem vann mikið
að skipulagsmálum samtakanna,
mun verða dæmdur nk. mánudag
fyrir neðanjarðarstarfsemi, að því
haft er eftir opinberum heimild-
um.
Palubicki, sem er listfræðing-
ur að mennt, mun verða dæmd-
ur af herrétti í borginni Poznan
í Vestur-Póllandi og er ákæru-
efnið „þátttaka í mótmælaað-
gerðum og dreifing flugmiða".
Hefur saksóknari hersins kraf-
ist fimm ára fangelsisdóms yfir
Palubicki og að eigur hans verði
gerðar upptækar.
Réttarhöldin yfir Palubicki
hófust 26. september sl. en verj-
andi hans hefur reynt að fá skil-
greiningu yfirvalda á afbroti
hans breytt þannig að sakar-
uppgjöfin frá 22. júlí sl. nái til
þess.
„Þú þarft að ná þér í konu“
DIANA PRINSESSA af Wales heilsaði upp á bandaríska söngvar-
ann Barry Manilow í fyrrakvöld þegar hann söng fyrir fullu húsi í
The Royal Festival Hall í Lundúnum. Fór vel á með þeim eins og
sjá má enda voru söngleikarnir haldnir í góðgerðarskyni, til styrkt-
ar Konunglega tónlistarskólanum breska og Hjálparstofnun gyð-
inga. „Þú þarft að ná þér í konu,“ sagði Diana við Manilow. „Það er
hrein hörmung að sjá þig, þú þarft einhverja til að líta til með þér.“
Manilow, blóðrjóður út að eyrum, sagði seinna við fréttamenn, að
Diana hefði margsinnis ítrekað þetta við hann, „a.m.k. fimm sinn-
um“. ap.
Geimferðin heDDnast
ef geimfarar
heppn
■ veiki
jast
Kanaveralhöfða, 7. október. AP.
Ferð geimrannsóknastöðvarinnar
Spacelab, sem skotið verður á braut
urahverfis jörðu með geimferjunni
Kólumbíu 28. október næstkom-
andi, verður aðeins árangursrík ef
vísindamennirnir um borð veikjast í
geimferðinni.
Framkallaðir verða kvillar í
sumum vísindamönnunum um
borð til að afla aukinnar vitneskju
um sjúkdóm sem angrar að jafn-
aði helming allra geimfara.
Bandaríska geimvísindastofn-
unin hefur ákveðið að deila ekki
fréttum af geimveiki nema hún
komi niður á leiðangrinum.
Veikin lýsir sér í því að geimfar-
ar eiga erfitt með að aðlaga sig
þyngdarleysi og jafnvægisleysi úti
í geimnum.
í ferð Spacelab, sem er i eigu
nokkurra Evrópuríkja, verða
framkvæmdar hinar ólíklegustu
tilraunir og rannsóknir, rúmlega
eitt hundrað að tölu. Ferðin tekur
níu daga.
Fjórir spilarar úr liði Ásanna: Frá vinstri Becker, Rubin, Weichsel og Sontag.
Þessir fjórir komu hingað til lands veturinn 1982 á stórmót Bridgefélags
Revkjavíkur.
HM í bridge:
Naum forysta ítala
Stokkhólmi, 7. október. AP.
ÍTALIR höfðu nauma forystu á
Bandaríkjamenn á heimsmeistara-
mótinu í bridge í dag, en mótinu
lýkur í dag, laugardag.
Að loknum 64 spilum af 176
höfðu ítalir 153 stig gegn 144 stig-
um Ásanna, en svo nefnist banda-
ríska sveitin.
f upphafi spils höfðu ítalir um-
talsvert forskot, en fljótlega sax-
aðist á forskotið og skiptust sveit-
irnar á forystunni meðan setið var
að spilum á fimmtudag, en hvor-
ugri sveitinni tókst að tryggja sér
yfirburðastöðu.
í mótsbyrjun bjuggust flestir
við öruggum sigri Bandaríkja-
manna, en ítölum hefur farið stór-
um fram, og er það metnaður
þeirra að endurheimta heims-
meistaratitilinn sem þeir héldu
síðast 1975.
í ítölsku sveitinni eru þrír menn
sem urðu heimsmeistarar 1975,
Benito Garozzo, Giorgio Bella-
donna og Arturo Franco, en auk
þeirra eru í sveitinni Soldano de
Falco, sem einnig hefur verið
heimsmeistari, Lorenzo Lauria og
Carlo Mosca. Belladonna vann
fyrstu heimsmeistaratign sína
1957 og er þreytulegur að sjá, þó
svo hann hafi barist af mikilli
hörku það sem af er spilamennsk-
unni.
í bandarísku sveitinni eru Bob
Wolff og Bob Hamman frá Dallas,
sem hvor um sig hefur unnið fjóra
heimsmeistaratitla, Mike Becker,
Ron Rubin, Alan Sontag, sem allir
eru frá New York, og Peter
Weichsel frá Miami.
Liðkað til fyrir
Brasilíumönnum
Wa.shington, 7. október. AP.
SEÐLABANKI Brasilíu og fulltrúar rúmlega 800 bankastofnana víðs vegar
um heim náðu í gær samkomulagi um betri kjör á nýju láni að upphæð 11,5
milljarðar dollara, sem á að hjálpa Brasilíumönnum, sem skulda mest allra
þjóða, út úr ógöngunum.
Heildarskuldir Brasilíumanna
eru um 90 milljarðar dollara og
þar af eru þrír milljarðar í van-
skilum. Affonso Celso Pastore,
brasilíski seðlabankastjórinn,
sagði á blaðamannafundi í aðal-
stöðvum Alþjóðagjaldeyrissjóðs-
ins í Washington, sem stóð í rúma
fjóra tíma, að í lok ársins myndu
Brasilíumenn aftur vera farnir að
standa í skilum. Aðalfulltrúi lán-
ardrottnanna var William R.
Rhodes, háttsettur starfsmaður
bandaríska bankans Citibank.
í tilkynningu, sem gefin var út í
lok viðræðnanna, sagði, að þetta
nýja lán væri aðeins nýtt að því er
tæki til 6,5 milljarða dollara en
fimm milljarðar kæmu til sem
frestun greiðslna.
Ný baráttuaðferð gegn vændinu:
Gleðikonur settar á
eftirlaun frá ríkinu
Sydney, Ástralíu, 7. október. AP.
STJÓRNIN í fylkinu Nýja Suður-Wales í Ástralíu er nú að velta því fyrir
sér að gera allar gleðikonur í fylkinu að ríkisstarfsmönnum, setja þær
síðan á eftirlaun og fá þær þannig til að taka upp heiðvirt líferni.
Málsvari gleðikvennanna segir þessar hugmyndir vera klára „móðgun"
og hreint tilræði við fjárhagslega afkorau þeirra.
Dagblaðið The Sydney Morn-
ing Herald sagði frá því í dag, að
fylkisstjórnin væri nú að velta
fyrir sér ýmsum leiðum til að
draga úr vændi í fylkinu, einkum
meðal eiturlyfjasjúklinga og
ungra kvenna með börn. Meðal
annars hefur verið lagt til, að
þær verði allar teknar á launa-
skrá stjórnarinnar og þeim
greidd eftirlaun, veittur hús-
næðisstyrkur og önnur aðstoð.
Þegar þessar fréttir voru
bornar undir gleðikonu nokkra í
Sydney, Marie að nafni, kallaði
hún þær „móðgun“ við gleðikon-
urnar og kvaðst í því efni geta
mælt fyrir munn allra starfs-
systra sinna.
„Langflestar stúlknanna eru í
þessu starfi til að hafa ofan af
fyrir sér og sínum og til þess að
vera ekki upp á aðra komnar.
Margar hafa börnin sín í góðum
skólum og það gætu þær ekki
gert á sultarlaununum frá rík-
inu,“ sagði Marie.
I stuttu máli...
Atvinnuleysi í
Noregi minnkar
Ósló, 7. október. AP.
ATVINNULEYSI 1 Noregi minnk-
aði úr 4.1% í ágúst í 3,6% f sept-
ember. I september í fyrra var þó
atvinnuleysi f Noregi þó minna, eða
2,5%.
Samkvæmt þessu voru 61.400
manns atvinnulausir í Noregi í
september miðað við 68.700 í ág-
úst og 41.800 í september í fyrra.
í september voru 36.700 karl-
menn atvinnulausir í Noregi og
24.700 konur.
í Belgíu fjölgaði atvinnulaus-
um örlítið í september, eða í
511.269, sem þýðir að 12,3%
vinnufærra Belga eru án atvinnu.
Á sama tíma í fyrra voru 11%
vinnufærra manna í Belgfu at-
vinnulaus, eða 459.631.
Ráðherra í Rúss-
landi settur af
Moskvu, 7. október. AP.
RÁÐHERRA létts iðnaðar í Rúss-
landi, stærsta lýðveldi Sovétríkj-
anna, hefur verið vikið úr starfi
fyrir að misnota aðstöðu sína, að
sögn blaósins Sovietskaya Rossiya.
Blaðið gefur í skyn að ráðherr-
ann, Yevgeny F. Kondratkov,
hafi verið sakaður um margvís-
legt misferli, án þess að nánar
hafi verið skýrt frá málavöxtum.
Engin eftirmaður hans hefur
verið skipaður.
Rússland er fjölmennasta lýð-
veldi Sovétríkjanna, en þau eru
15 að tölu. Þar búa 141 milljón
manns og spannar það Sovétrík-
in frá vestri til austurs, og innan
þess eru bæði Moskva og Síbería.
Kínverjar
hyggja á
olíuútflutning
Peking, 7. október. AP.
KÍNVERSKIR sérfræðingar spá
því að innan fárra ára verði Kín-
verjar farnir að vinna olíu af hafs-
botni í stórum stíl og að um 1990
verði þeir orðnir stórútflytjendur á
þessu sviði.
Að sögn blaðsins China Daily
er búist við miklum árangri af
borunum útlendra fyrirtækja á
40 stöðum við strendur landsins.
Boranir þessar hefjast á næsta
ári.
Kínverjar framleiða í dag um
100 milljónir lesta af olíu á ári og
flytja út um 15 milljónir lesta,
sem svarar til 100 milljóna olíu-
fata.
Kínverska olíufélagið hefur
gert samninga við 18 olíuvinnslu-
fyrirtæki í átta löndum um olíu-
leit og -vinnslu, og eru samn-
ingaviðræður við fleiri fyrirtæki
í gangi.
Boraðar hafa verið 31 leitar-
hola og 18 framleiðsluholur nú
þegar undan strönd Kína. Búist
er við að vinnsla á Chengbej-
olíusvæðinu í Bohaiflóa í norð-
austurhluta Kína hefjist 1985, og
að árleg framleiðsla nemi hálfri
milljón lesta.
Kínverskt
lyf til
fóstureyðinga
Peking, 7. október. AP.
KÍNVERSKIR vísindamenn hafa
þróað öruggt, þægilegt, áhrifamikið
og hagkvæmt lyf til að orsaka fóst-
ureyðingar, að sögn Dagblaðs al-
þýðunnar, helzta blaðs landsins.
Blaðið sagði að lyfið, sem unn-
ið er úr kínversku jurtinni Trich-
osanthes, væri gefið með bólu-
setningu og væri 92% öruggt
fyrstu þrjá mánuði meðgöngunn-
ar. Hægt væri að treysta á það
allt að sex fyrstu mánuði með-
göngunnar, að sögn blaðsins.
Lyfinu fylgja aðeins smávægi-
legar aukaverkanir og blæðingar
litlar, að sögn blaðsins, sem sagði
lyfið hafa verið fullreynt í
margra ára rannsóknum.
Fóstureyðingar eru algengar í
Kína, þar sem fólk er hvatt með
ýmsum ráðum til að eiga aðeins
eitt barn. Opinber stefna stjórn-
valda miðar við að Kínverjar
verði ekki fleiri en 1,2 milljarðar
í lok aldarinnar, en þeir eru I dag
um milljarður.