Morgunblaðið - 11.11.1987, Qupperneq 39

MORGUNBLAÐIÐ, MIÐVIKUDAGUR 11. NÓVEMBER 1987
39
Vélhjól á
llOkmhraða
ÖKUMAÐUR vélhjóls var sviptur
ökuréttindum sínum aðfaranótt
þriðjudagsins, þegar hraði hjóls-
ins mældist 110 kílómetrar á
klukkustund á Kringlumýrar-
braut.
Lögreglan var við radarmælingar
víða um borgina um nóttina. Sjö
voru sektaðir fyrir of hraðan akstur
og þykir lögreglunni það gleðilega
lág tala. Þó munu mælingar halda
áfram, því lögreglan óttast að allt
fari í sama farið verði slakað á
klónni.
Ritzau:
Nýr frétta-
ritari ráðinn
LARS Toft Rasmussen, frétta-
maður hefur verið ráðinn, sem
fréttaritari norrænu fréttastof-
unnar Ritzau á íslandi. Hann
tekur við af Magnúsi Guðmunds-
syni blaðamanni, sem verið hefur
fréttaritari undanfarin 7 ár.
Lars hefur verið fréttaritari Ritz-
au á Grænlandi en er í tveggja ára
leyfi frá fréttastofunni í Kaup-
mannahöfn þar sem hann hefur
starfað undanfarin ár. Lars mun
he§a störf hér á landi um miðjan
mánuðinn.
Smárahvamms-
land:
+
Akvörðun
var frestað
FRESTUR bæjarstjómar Kópa-
vogs til að ákveða hvort bærinn
neytir forkaupsréttar á Smára-
hvammslandi hefur verið fram-
lengdur til 31. desember
næstkomandi.
Að sögn Kristjáns Guðmunds-
sonar bæjarstjóra hefur bæjarstjóm
Kópavogs óskað eftir að sjá hug-
myndir Sambands íslenskra sam-
vinnufélaga um skipulag,
uppbyggingu og fyrirkomulag
væntanlegra bygginga sambands-
ins, áður en ákvörðun um forkaups-
rétt er tekin.
Ritstjóri
Heimsmyndar:
Ummæli slitin
úr samhengi
HERDÍS Þorgeirsdóttir, ritstjóri
Heimsmyndar og höfundur við-
tals við Steingrím Hermannsson
formann Framsóknarflokksins,
hafði samband við Morgunblaðið
og vildi koma á framfæri athuga-
semd við frétt blaðsins varðandi
ummæli Steingríms um Pál Pét-
ursson, þar sem sagði að Páll
stæði í vegi fyrir nútímalegum
breytingum á Framsóknar-
flokknum. Taldi Herdís að
ummæli Steingríms hefðu verið
slitin úr samhengi í frétt Morg-
unblaðsins.
„Af virðingu við utanríkisráð-
herra vil ég koma á framfæri
athugasemd vegna þessarar fréttar
Morgunblaðsins þar sem sleppt er
setningu, sem kemur í beinu fram-
haldi af ummælum Steingríms um
Pál og breytir merkingunni nokk-
uð,“ sagði Herdís. Orðrétt er
málsgreinin svona: „Ég vil að vísu
breyta Framsóknarflokknum, gera
hann opnari og nútímalegri og neita
því ekki að menn eins og Páll Pét-
ursson vilja standa í vegi fyrir því.
Slíkar efasemdir eru þó hverjum
flokki hollar."
Morgunblaðið/Sigurður Jónsson.
Stúikurnar sjö sem komust áfram í undankeppnina. Karen Kristjánsdóttir Ölfusi, Kristjana Þórey
Ólafsdóttir Vestmannaeyjum, Hanna Björk Sigurðardóttir Grafningi, Sigrún Ágústsdóttir Vest-
mannaeyjum, Eygló Linda Hallgrímsdóttir Selfossi, Linda Hrönn Ævarsdóttir Vestmannaeyjum,
Anna Berglind Júlídóttir Þorlákshöfn og Fjóla Grétarsdóttir ungfrú Suðurland 87.
Ungfrú Suðurland:
Sjö stúlkur valdar í undankeppnina
Selfossi.
SJÖ stúlkur voru á laugardag
valdar til þátttöku i keppninni
um titilinn ungfrú Suðurland
5. mars á næsta ári. Sú sem
verður hlutskörpust 5. mars
tekur þátt í keppninni um
ungfrú ísland.
Það voru 16 stúlkur úr Suður-
landskjördæmi sem tóku þátt í
þessari forkeppni á Hótel Sel-
fossi. Auk sjálfrar keppninnar þar
sem stúlkumar komu fram var
tískusýning á dagskrá og Leik-
félag Selfoss sýndi hluta úr
dagskrá sem það verður með á
næstunni. Að lokinni keppninni
var dansleikur. Það var Fjóla
Grétarsdóttir, ungfrú Suðurland
1987, sem afhenti stúlkunum sjö
blómvönd f lok keppninnar en hún
leiðbeindi stúlkunum einnig fyrir
keppnina. Kjmnir á keppninni var
Gunnlaug^ur Helgason.
Sig. Jóns.
Alþjóðlega skákmótið á Suðurnesjum:
Hannes Hlífar með foryst-
una eftir þrjár umferðir
Keflavik.
HANNES Hlífar Stefánsson er efstur eftir þijár umferðir á Al-
þjóðlega skákmótinu á Suðurnesjum með 2>/z vinning. Síðan eru
fjórir jafnir með 2 vinninga, Björgvin Jónsson, Guðmundur Sigur-
jónsson, Charles Weldon og Bryan Jakobs. Helgi Ólafsson er með
lVz vinning og frestaða skák.
Stórmeistaramir Guðmundur
Siguijónsson og Helgi Ólafsson
gerðu jafntefli, sömuleiðis Byron
Jakobs og Björgvin Jónsson. David
Norwood vann Antti Pyhala, Car-
les Weldon vann Sigurð Daða
Sigfússon og Hannes Hlífar Stef-
ánsson vann Jóhannes Ágústsson.
Skák Þrastar Þórhallsson og
Davíðs Ólafssonar fór í bið eftir
rúmlega 6 klukkustundir og var
Þröstur með tveim peðum yfir.
Þröstur gæti náð tveim vinningum
vinni hann biðskákina, en hann
er með einn vinning, biðskák og
eina frestaða skák.
Bretinn David Norwood kom of
seint til keppni vegna þátttöku á
skákmóti í Austurríki. Skákum
hans við Helga Ólafsson og Þröst
Þórhallsson var því frestað.
í fyrstu umferð vann Þröstur
Pyhala, Hannes Hlífar vann Davíð,
Guðmundur vann Sigurð Daða og
Björgvin vann Jóhannes. Jafntefli
gerðu Weldon og Jakobs. í ann-
arri umferð vann Hejgi Davíð og
Jakobs vann Pyhala. Örðum skák-
um lauk með jafntefli.
Staðan er nokkuð óljós vegna
tveggja frestaðra skáka bretans
Norwoods sem kom til mótsins í
gær. BB
Kasparov tók forystuna
Skák
Margeir Pétursson
GARY Kasparov tók í gærdag
forystu í einvíginu við Anatoly
Karpov í fyrsta sinn. Þá var
tefld áfram biðskák frá þvi í
fyrradag og lauk henni með
auðveldum sigri Kasparovs,
eins og spáð hafði verið. Að
loknum ellefu skákum i ein-
viginu er staðan i einvíginu nú
þannig að Kasparov hefur hlot-
ið sex vinninga, en Karpov
fimm.
Líkur heimsmeistarans á því
að halda titli sínum eru orðnar
mjög góðar því til þess nægir
honum jafntefli, 12-12. Karpov
þarf því að ná sjö og hálfum vinn-
ingi úr siðustu þrettán skákunum
til að endurheimta titilinn sem
hann missti fyrir tveimur árum.
Eftir mjög grófan afleik á
mánudaginn átti Karpov enga
möguleika á að halda jafntefli í
biðskákinni. EUefta skákin tefldist
þannig eftir bið:
Hvitt: Anatoly Karpov
Svart: Gary Kasparov
41. - Hc7
Biðleikur Kasparovs. Hann
kom nokkuð á óvart, því 41. —
Rc4 virðist mjög öflugur og
traustur leikur. Nú fær Karpov
nokkuð mótspil, en heimsmeistar-
inn hefur vafalaust reiknað
skákina til enda er hann lék bið-
leiknum.
42. Bd6 - Hc2+ 43. Kd3 -
Hxa2 44. Re3!?
Karpov reynir að flækja málin.
44. Bxe5+ - Kf7 45. Bf6 - Rc4
46. e5 — Hf2! var greinilega alveg
vonlaust.
44. - Kf7 45. Rg4 - Rc4 46.
Rxe5+ — Rxe5+ 47. Bxe5 — b4
48. Bf6 - b3 49. e5 - Hxg2
50. e6+ — Kf8 og hvítur gafst
upp, því það gerir gæfumuninn,
að eftir 51. d6 - b2 52. d7 skák-
ar svartur um leið og hann vekur
upp drottningu.
Eldborgin
ekki seld til
Eskifjarðar
EKKI verður úr kaupum Hrað-
frystihúss Eskifjarðar á Eld-
borgu HF 13, sem er eitt af
stærstu og fullkomnustu loðnu-
skipum íslenska flotans, en
stjórnendur frystihússins ræddu
nýlega við eigendur skipsins um
hugsanleg kaup.
Aðalsteinn Jónsson, aðaleigandi
og forstjóri Hraðfrystihúss Eski-
fj'arðar, sagði í samtali við Morgun-
blaðið að stjómendur frystihússins
hefðu rætt við eigendur Eldborgar-
innar um kaup á skipjnu en ekki
hefði orðið úr þeim. Á skrifstofu
útgerðar skipsins fengust þær upp-
lýsingar að sala á skipinu væri ekki
í deiglunni en þó væri aldrei að vita,
hvort svo yrði, fengist viðunandi
tilboð. Eldborgin er nú á loðnuveið-
um en fer á rækju að þeim loknum.
• •
Okumenn
sektaðir í
hundraðatali
LÖGREGLAN í Reylqavík fór
víða um borgina á mánudag og
kannaði hvort bifreiðum væri
lagt ólöglega. Fimmtán bifreiðir
voru fjarlægðar úr miðbænum
með kranabíl og ökumenn voru
sektaðir í hundraðatali.
Lögreglan kannaði ástand þess-
ara mála í Þingholtunum á
mánudagskvöld og þar voru 40
sektaðir fyrir að leggja ólöglega.
Að sögn lögreglu var þó reynt að
taka tillit til þess, að fá bifreiða-
stæði em í Þingholtunum og íbúar
þar eiga oft erfitt um vik ef þeir
ætla sér að leggja löglega. Því var
aðeins sektað fyrir grófustu brot. í
Norðurmýrinni reyndust 54 bifreið-
ir vera ólöglega staðsettar og
svipaða sögu er að segja af mörgum
öðmm borgarhlutum.
í gærkvöldi og fram á nótt kann-
aði lögreglan sérstaklega hvort
ökumenn notuðu ökuljós og stefnu-
ljós og hvort þeir virtu umferðarljós
og -merki.